Додека некои мајки уште на почеток почнале со вештачка храна бидејќи имале проблеми со брадавиците, или едноставно немале млеко, други со мајчино млеко почнале од самото породување.
Познато е дека мајчиното млеко е исклучително важно за бебето и како е добро ако детето може да го добива во првите месеци, но дилемата се јавува околу петтииот месец кога бебето е поголемо и кога бара повеќе храна. Треба ли тогаш да се продолжи само со доење или да се почне со комбинирање на кашички и млеко?
Според препораките на Светската здравствена организација секоја мајка доколку има можност, треба да го дои детето до шестиот месец, а потоа да почне со додавање на зелечукови и овошни кашички. Секако, дека бебето по шестиот месец не треба да престане да добива млеко, неважно дали станува збор за формула или мајчино, туку бројот на подои со тек на време треба да се намалува.
Колку е детето постаро, бара се повеќе храна и неговите потреби за одредени нутриенти стануваат се поизразени, а бидејќи не може да ги добие само од млекото, важно е полека да се преминува на овошје и зеленчук, од кое ќе ги добие сите потребни витамини и минерали.
Точно време кога треба да се престане со доење не постои, тоа зависи од мајка до мајка. На родителите е да донесат конечна одлука кога ќе почнат да му ги менуваат навиките во исхраната на бебето, но многу е важно да се внимава со изборот на храна и да се консултира со педијатар, бидејќи од моментот на воведување на дохрана детето треба да добива се што ќе му биде потребно за нормален раст и развој.
