Во време кога е прогласена пандемија во целиот свет, сосема е приросно како родител дополнително да се плашите за себе и за своето семејство. Да, на сите ни е јасно дека децата, иако немаат практично никакви симптоми, може да бидат преносители на вирусот на останатите, почувствителни групи лица. Според Центарот за контрола и превенција на болести на САД, симптомите кај децата во најголем број на случаевите се многу слаби и благи.
Сепак, секаогаш е важно да се биде внимателен, па издвоивме пет начини како да ги намалите шансите да вашето семејство добие вирус.
- Социјална дистанца
Коронавирусот предизвикува респираторни болест, како и грипот и настинката. Капките кои се исфрлаат со кашлањето и кивавњето може да патуваат и до два метри оддалеченост, така да може да дојдат во очите, устата и носот на други лица. Ова е особено важно, бидејќи кај многумина симптоми воопшто не се појавуваат, но вирусот од нив, доколку го имаат, може да се шири. Токму затоа е важно да бидете на оддалеченост од останатите лица, за вирусот да не се пренесува.
- Бидете внимателни на јавни места
Иако постои дистанца, капките секогаш може да допрат до работите, како намирници во продавница. Затоа е добро купените производи да се пребришат, а корпите и количките за пазарување да ги фаќате со шамивчиња за дезинфекција.
- Дезинфицирајте го домот
Студии покажале дека коронавирусот може да преживее на пластика, картон, нерѓосувачки челик… Затоа е важно да се дезинфицираат клучевите, торбите за пазарување и слично.
- Научете го децата да не го допираат лицето
Доколку капките од заболено лице допрат до устата или носот на детето, тоа многу лесно може да се зарази. Редовно потсетувајте ги децата да не го дпираат лицето.
- Бидете сигурни дека децата редовно ги мијат рацете
Најдобар начин да ги намалите шансите да добиете коронавирус е редовната хигиена, што значи темелно миење на рацете со сапун и вода во траење од 20 секунди. Проверете дали децата ги мијат рацете пред јадење, штом влезат во домот и секако пред да го допираат лицето. Кога сте надвор од домот користете средства за дезинфекција или шамивчиња.
