Истражувачите од Универзитетот Вашингтон тврдат дека децата ја наследуваат интелигенцијата од нивните мајки. Според нивното истражување, жените почесто ги пренесуваат гените кои ја обликуваат интелигенцијата на децата и се пренесуваат преку Х-хромозомите.
Жените имаат два, а мажите еден. Исто така, нова студија која ја спровеле истражувачи од Шкотска го поддржува фактот дека гените важни за напредните когнитивни функции се наследени од таткото. Но, тие гени се или деактивирани или остануваат потиснати. Тие објаснуваат дека ако детето го наследи „умот“ од таткото, тој останува „неактивиран“.
Истражувачите од Глазгов интервјуирале 12.686 луѓе на возраст од 14 до 22 години секоја година од 1994 година, земајќи ги предвид различни фактори како што се расата, образованието и социо-економскиот статус. Откриле дека коефициентот на интелигенција на мајката е најдобар показател за интелигенција. Понатаму, коефициентот на интелигенција на испитаниците варирал во просек за 15 поени од нивните мајки.
Спровеле и експеримент со помош на генетски модифицирани глувци. Кога на глувците им дале дополнителна „доза“ од гените на нивната мајка, тие развиле поголем мозок и релативно помали тела. Кога им дале дополнителна „доза“ од гените на нивниот татко, тие имале помал мозок и поголеми тела.
Заклучокот на студијата е дека развојот на мозокот зависи од гените на мајката, а физичкиот развој од гените на таткото.
Истражувачите нагласуваат дека генетската предиспозиција не е одлучувачки фактор за нивото на интелигенција. Околината исто така игра голема улога во когнитивниот развој на децата. Тие додаваат и дека детето наследува само 40 до 60 отсто од гените на нивните родители.
