Новите родители речиси секогаш се преплашени од многуте правила кои доаѓаат со бебето, особено кога се во прашање новороденчињата. Правила и препораки околу хранењето, носењето, капењето и така натаму, има многу. Спиењето на бебето можеби е на врвот на таа листа, а неодамнешно истражување на Американската педијатриска академија открила дека помалку од 50 проценти од родителите ги следат препораките за безбедно спиење на бебето.
Откако испрашале 3297 мајки, истражувачите откриле дека само 44 проценти го ставаат бебето да спие во соодветна положба на грб, а над 50 проценти мислат дека побезбедно е нивното бебе да спие на страна или на стомак.
Исто така, дошле до сознанија дека новите родители се под глемо влијание на она што другите околу нив го прават, како членови на семејството и пријатели.
Педијатарката Ив Колсон вели дека не е изненадена од ваквите резултати.
“Овие сознанија не се ништо необично. Исто така откривме и фактори кои се силно поврзани со положбата на спиење, а вклучуваат ставови, субјективни норми и воочена контрола“, вели таа.
Но, според д-р Колсон, раното родителство е време кога постои заситеност со прекумерна количина на информации и премалку сон, и нагласува дека не смееме да го заборавиме ниту на фактот дека секој има мислење за тоа што “треба“ да прават новите родители. Секако, знае да биде тешко „секогаш“ да се направи нешто како родител, но ова е важен потсетник дека, кога станува збор за здравјето и безбедноста, најважен е советот од лекарите и професионалците кои на родителите им даваат јасни и точни насоки.
