Новите родители речиси секогаш се преплашени од многуте правила што доаѓаат со бебето, особено кога се во прашање почувствителни и поранливи новороденчиња. Правилата и препораките околу хранењето, носењето, капењето и останатотот, имаат напредок. Спиењето на бебето е можеби на врвот на таа листа, а неодамнешно истражување на Американската педијатриска академија открило дека помалку од 50 проценти од родителите ги следат препораките за безбедно спиење на бебето, а тоа е спиењето на грб.
Откако биле испрашани 3297 мајки, истражувачите откриле дека само 44 проценти го ставаат бебето во соодветна положба, а над 50 проценти мислат дека е побрзбедно нивното бебе да спие на страна или на стомак. Исто така, дошле и до сознанија дека новите родители се под големо влијание на она што другите околу нив го прават, како членови на семејството и пријатели.
Педијатарката Ив Колсон вели дека не е изненадена од овие резултати.
“Овие откритија не се ништо невообичаено. Откривме и фактори кои исто така се силно поврзани со положбата на спиење, а вклучуваат ставови, субјективни норми и воочена контрола“.
Но, според д-р Колсон, раното родителство е време во кое постои заситеност на претерана количина на информации и премала количина на сон, а нгалсува дека не смее да се заборави ниту фактот дека сите имаат мислење за тоа што новите родители “треба“ да прават.
Секако, знае да биде тешко “секогаш“ да се направи нешто како родител, но ова е важен потсетник дека, кога станува збор за здравјето и безбедноста, најважен е советот на лекарите и стручњаците кои на родителите им даваат јасни и точни упатства.
