Начините на кои сме воспитувани како деца имаат директно влијание на тоа какви луѓе ќе станеме како возрасни. Секое семејство функционира различно, но врските кои ги имаме со родителите, браќата и сестрите и другите членови на семејството влијаат на нашата личност и на врските кои самите ги избираме. Ова се четири особини, кои луѓето кои пораснале во среќни и здрави семејства ги развиваат подоцна во животот, покажуваат студиите.
- Одговорност
Здравата семејна атмосфера зависи од границите што се поставени и начинот на кој родителите комуницираат меѓу себе и со своите деца. Околината заснована на меѓусебно почитување е стабилно место за развој на децата, овозможувајќи им да преземаат соодветни ризици и да развијат силно чувство за себе.
Студијата објавена во април 2021 година покажала дека позитивните искуства од детството ја пружаат основата за благосостојбата на една личност во возрасна доба, дури и кога неволјите се појавуваат рано во нивните животи. Значи, кога децата имаат чувство на емоционална сигурност и припадност, тие развиваат силно чувство за рутина и одговорност додека растат.
Добрите семејства на своите деца им всадуваат силен морален кодекс. Тие ги учат како да избираат помеѓу доброто и лошото и им покажуваат како да ги прифатат различностите меѓу луѓето. Нивното водство се заснова на љубов, која ги поттикнува децата да развијат сочувство и морален компас кој ги насочува кон разбирање и човечност
- Силни и здрави вештини за справување
Децата кои се научени да бидат емоционално интелигентни стануваат возрасни кои разбираат и знаат како да ги изразат своите чувства. Тие исто така учат како да се справат со емоционално стресни ситуации на здрав начин.
„Истражувањата покажале дека емоционалната интелигенција или EQ предвидува повеќе од 54 проценти од варијациите во успехот (релации, ефективност, здравје, квалитет на живот). Дополнителните податоци откриваат дека младите луѓе со висок EQ постигнуваат подобри оценки, подолго остануваат на училиште и донесуваат поздрави одлуки“, изјави психологот Лиза Фајрстоун за „Psychology Today“.
Емоционалната стабилност е предуслов за силни вештини за справување. Така, според студиите, доколку децата потекнуваат од добри семејства, тоа им помага полесно да се справат со тешките ситуации во животот.
- Лојалност кон другите
Студија од 2023 година од Универзитетот Кембриџ покажува дека децата кои рано во детството развиваат љубезна врска со своите родители имаат поголема веројатност да станат „просоцијални“. Тие ќе им помагаат на луѓето во својата заедница и ќе се однесуваат со емпатија и љубезност.
Секое семејство функционира различно, но врските кои ги имаме со родителите, браќата и сестрите и другите членови на семејството влијаат на нашата личност и на врските кои самите ги избираме
Водечкиот истражувач на студијата, Јоанис Катсантонис, објасни: „Како деца ги интернализираме оние аспекти од нашите односи со родителите кои се карактеризираат со емоции, грижа и топлина. Тоа влијае на нашето идно однесување – дали ќе бидеме љубезни и услужни спрема другите.“
- Силен морален компас
Според анкетата на „Pew Research Center“, 66 отсто од родителите изјавиле дека е „исклучително важно“ нивните деца да пораснат во морални и чесни возрасни личности.
Добрите семејства на своите деца им всадуваат силен морален кодекс. Тие ги учат како да избираат помеѓу доброто и лошото и им покажуваат како да ги прифатат различностите меѓу луѓето. Нивното водство се заснова на љубов, која ги поттикнува децата да развијат сочувство и морален компас кој ги насочува кон разбирање и човечност.
