Мал колеџ во градот Бат во Обединетото Кралство е местото каде што британското кралско семејство се јавува кога им е потребна грижа за децата. Норланд, кој е основан пред повеќе од 130 години, обезбедува четиригодишна програма за обука за дадилки. Покрај теоријата, учесниците поминуваат и низ практичен дел и поминуваат околу 1.300 часа грижа за новороденчиња и мали деца.
Дадилките од Норланд, кои добиваат диплома за образование и грижа во раното детство, се многу барани и добро платени. За секоја дадилка која дипломира, има околу осум до десет постојани работни места достапни преку агенцијата Норланд.
Додека се обучуваат за дадилки, приправничките се препознатливи по нивните формални, кафени униформи, слични на оние што ги носела Мери Попинс. Алис е една од дадилките од Норланд, а споделува совети што ги стекнала низ повеќе од една деценија искуство. Најдолго работела во Њујорк, каде се грижела за тригодишно девојче и 18-месечни близнаци со кои поминала девет години.
„Еден многу, многу важен совет за секој родител е да биде свесен дека секое дете е различно и расте и учи со различна брзина“, вели таа.
„Не го споредувајте вашето дете со други деца. Изберете го само она што вам ви одговара за детето да биде среќно и здраво“, додава таа.
За утешување на расплакано дете
Алис моментално се грижи за 10-месечно дете кое има проблеми со успивање и спиење.
„Доколку децата не спијат доволно во текот на денот, веројатно нема да спијат ниту ноќе. Секое дете има различна рутина за спиење и јас секогаш ги советувам родителите да го утешат бебето кое не може да заспие. Ставете ја раката на неговиот стомак, дајте му до знаење дека сте тука, но обидете се да не зборувате со него“, предлага таа.
За изливите на бес
Алис вели дека бесот се случуваат кога детето е во безбеден простор. Меѓутоа, таа советува да не се обидувате да интервенирате за време на нив.
„Покажете дека сте тука, а разговорот оставете го за подоцна, кога детето ќе биде подобро расположено“, истакнува таа.
За екраните
За да го ограничи времето на вашето дете пред екранот, Алис предлага да кажете: „Зошто не би ја играл таа игра пет минути и потоа ќе ја исклучиме“.
Таа порачува дека е најважно е да бидете доследни, да имате трпение и разбирање и да го одржите зборот.
Норланд е основан во 1892 година од воспитувачката Емили Вард, која се потпира на учењата на Фридрих Фребел, пионер на раното воспитување и образование, кој го вовел концептот на градинка и се фокусирал на идејата за детето како индивидуа со уникатни потреби и способности.
