Родителите се обидуваат да се прилагодат на новините во образвониот систем условени од пандемијата со новиот коронавирус. За поголемите ученици засега е најавено дека наставата ќе ја следат онлајн, а за помалите ќе се комбинира настава од училишна клупа и од дома. Голем товар на грбот на родителите. На децата дома им недостасува соработка, интеракција, учењево група, дружење со врсниците, па родителите се тие кои ги анимираат децата и со нив го обработуваат наставниот материјал.
Ова се неколку совети како децата што подобро да ја совладаат онлај наставата.
- Објаснете му ја ситуацијата на детето
Треба да седнете со детето и да поразговарате за монеталната состојба, објаснете му зошто не се враќа во училиште на одреден период. Причините објаснете му ги на начин на кој детето ќе ве разбере.
- Вклучете во програмата на наставата
Многу е важно детето да сфати дека, иако е дома, мора да ја следи наставата, редовно да пишува домашни задачи и да ги извршува сите останати училишни активности. Дозволете му на детето период на адаптација, бидејќи за сите деца моменталната состојба е новина. Не грижете се доколку вашето дете во првите недели не постогнува очекувани резултати. Охрабрете го детето, дајте му поддршка, ако е потребно вклучете се и истражете на кои се начини може да му го олесните учењето.
- Направете план на работа со детето
Покрај однапред договорениот распоред кој децата го имаат со своите наставници, важно е, во договор со вас да одредат кога е време за учење, игра, дружење. ПОмогнете му на детето да ги испланира дневните активности, да не биде преоптоварено со обврски, туку да има и слободно време во текот на денот.
- Покажете интерес за наставата
Откако детето ќе ги заврши наставните обврски, испрашајте го што правеле за време на наставата, кои теми ги оббработувале, што му е интересно. На овој начин, вие го терате детето да ги повтори информации и со тоа ќе му биде полесно да запомни.
- Огранизирајте слободно време
За време на наставата на далечина или онлајн настава, важно е децата да имаат слободно време. Покрај гледање телевизија, играње игри, организирајте им на децата дружење со врсници и со семејството, секакоо согласно мерките за заштита.
- Физичка активност
Не треба да се заборави фактот дека децата се полни со енергија. Излезете надвор со нив. Спортувајте на терени во близина на домот, организирајте прошетка низ парк или на планина. Физичката активност е клучна за развојот на децата, затоа и покрај сите промени и новитети, не ја занемарувајте.
