Прееклампсијата е состојба која се јавува за време на бременоста, а се работи за висок крвен притисок. Оваа состојба може да биде блага или тешка, а самите симптоми ќе зависат од тоа. Кога не се лекува, може да доведе до оштетување на органите како што се црниот дроб и бубрезите. Најчесто до прееклампсија доаѓа по 20-та недела од бременоста, а може да се појави и по породувањето.
Прееклампсијата се јавува за време на бременоста или после неа, и може да се лекува. Но, кога не е под контрола, може да влијае на појава на еклампсија, односно ненадејни напади, но и опасност за мајката и детето.
Точната причина за прееклампсија не е позната, но познато е дека почесто се јавува кај жени кои се бремени за прв пат, кои треба да родат близнаци или кои имаат некој во семејството кој имал прееклампсија. Подеднакво, почесто се јавува кај жени кои вообичаено имаат висок крвен притисок, кои имаат дијабетес или се со прекумерна тежина
Што ја предизвикува прееклампсијата?
Оваа состојба во бременоста ја предизвикува новонастанатиот висок крвен притисок или влошување на постоечкиот висок крвен притисок. Околу три до седум проценти од бремените жени може да имаат прееклампсија за време на бременоста. Сепак, овој проблем најчесто се јавува после 20. недела од бременоста или пред крајот на првата недела по породувањето или до шест недели по породувањето, а во тој случај се работи за постпородилна прееклампсија.
Точната причина за прееклампсија не е позната, но познато е дека почесто се јавува кај жени кои се бремени за прв пат, кои треба да родат близнаци или кои имаат некој во семејството кој имал прееклампсија. Подеднакво, почесто се јавува кај жени кои вообичаено имаат висок крвен притисок, кои имаат дијабетес или се со прекумерна тежина.
Прееклампсија може да се појави и поради слабо развиени артериоли на матката, исхемија или плацентарен инфаркт. Ризикот од прееклампсија може да се зголеми кај бремени жени кои се помлади од 20 или постари од 40 години.
Знаци на прееклампсија се:
- отекување на рацете, прстите, стапалата,
- прекумерно зголемување на телесната тежина,
- ситни црвени точки на кожата,
- протеини во урината.
Понекогаш нема да има никакви симптоми, па состојбата ќе се открие дури при редовен преглед.
Оваа состојба во бременоста ја предизвикува новонастанатиот висок крвен притисок или влошување на постоечкиот висок крвен притисок. Околу три до седум проценти од бремените жени може да имаат прееклампсија за време на бременоста. Сепак, овој проблем најчесто се јавува после 20-та недела од бременоста или пред крајот на првата недела по породувањето или до шест недели по породувањето, а во тој случај се работи за постпородилна прееклампсија
Во случај ако прееклампсијата е посериозна или ако не се лекува, може да ги оштети органите како што се црниот дроб или бубрезите, а исто така може и да предизвика сериозни главоболки, проблеми со видот, отежнато дишење, краток здив, болка во горниот дел на стомакот, гадење и намалено мокрење.
Исто така, може да дојде и до еклампсија, односно напади.
Како се лекува прееклампсијата?
За да се дијагностицира прееклампсијата, треба да се направат одредени тестови. Испитувањата вклучуваат анализа на урина, KKS, број на тромбоцити, урати, тестови за функцијата на црниот дроб и мерење на серумските електролити, уреа, креатинин, креатинин клиренс и протеини во 24-часовна урина.
Кога не се лекува, може да доведе до оштетување на органите како што се црниот дроб и бубрезите. Најчесто до прееклампсија доаѓа по 20. недела од бременоста, а може да се појави и по породувањето
Единствениот лек за оваа состојба е породувањето. Меѓутоа, ако прееклампсијата се појави многу пред терминот за породување и е блага, лекарот може да советува следење на состојбата и земање лекови за намалување на крвниот притисок. Понекогаш ќе бидат неопходни и лежење, промени во исхраната и намалување на стресот. Во повеќето случаи, ќе биде неопходна и хоспитализација за трудницата да биде под постојана контрола на лекарот.
Заклучок
Прееклампсијата е состојба која се јавува за време на бременоста и веднаш по неа, а е придружена со висок крвен притисок. Точната причина не е позната, но постојат голем број фактори кои можат да влијаат на појавата на овој проблем. Важно е да се реагира на време и да се слушаат препораките на лекарот.
