Децата се најголеми потрошувачи на додаден шеќер, иако исхраната богата со шеќер е поврзана со здравствени проблеми како дебелината и срцевите заболувања, па дури и со нарушена функција на меморијата, пишува Science Daily.
Сепак, помалку се знае за тоа како консумирањето големи количини шеќер во детството влијае на развојот на мозокот, особено на регијата за која се знае дека е многу важна за учење и помнење наречена хипокампус.
Ново истражување предводено од член на факултет од Универзитетот во Џорџија во соработка со истражувачка група од Универзитетот во Јужна Калифорнија покажало на модел на глодари дека секојдневното консумирање шеќер и засладени пијалаци за време на адолесценцијата ја нарушува способноста за учење и паметење во зрелоста.
Истражувањето го потврдило негативното влијание на шеќерот врз мозокот
Групата покажала и дека промените во цревните бактерии може да бидат клучот за нарушување на меморијата предизвикана од шеќер. Поддржувајќи ја оваа можност, истражувачите откриле дека слични недостатоци на помнење биле забележани дури и кога бактериите, наречени Парабактероиди, биле експериментално внесени во цревата на животните кои никогаш не консумирале шеќер.
„Консумирањето шеќер во раното детство го зголеми нивото на парабактероиди, а колку е повисоко нивото на парабактероиди, толку животните имаа полошо помнење“, вели Емили Нобл, доцент на УГА Колеџот за семејни и потрошувачки науки, која е прв автор на трудот. „Откривме дека самите бактерии се доволни да ја оштетат меморијата на ист начин како што тоа го прави и шеќерот.
