Целосната вакцинација е клучна заштитна мерка против развој на тешка форма на болеста Ковид-19, вклучително и болест предизвикана од делта варијантата на коронавирус.
Поради брзото ширење на делта варијантата на вирусот SARS-CoV-2 во Европската унија (ЕУ)/Европска економска област (ЕЕА), Европската агенција за лекови (ЕМА) и Европскиот центар за превенција и контрола на болести (ECDC) ги охрабруваат луѓето кои се уште не се вакцинирани, а ги исполнуваат условите за вакцинација да одговорат што е можно поскоро на препорачаната програма за вакцинација против Ковид-19.
Иако ефикасноста на вакцините против Ковид-19 е исклучително висока, не постои вакцина што може да обезбеди 100% заштита. Ограничен број на инфекции со вирусот SARS-CoV-2 се можни кај целосно вакцинирани лица. Сепак, вакцините можат во голема мера да го спречат развојот на тешка болест Ковид-19 кај заразените лица и може да ја намалат потребата за хоспитализација
Целосната вакцинација со која било вакцина против Ковид-19 одобрена во ЕУ/ЕЕА обезбедува високо ниво на заштита од развој на тежок облик на болеста и смрт предизвикан од вирусот SARS-CoV-2, вклучувајќи и варијанти на коронавирусот, како што е делта варијантата. Највисокото ниво на заштита се постигнува откако ќе помине доволно време (седум до 14 дена) од последната доза на вакцина.
Вакцинацијата е исто така важна за да се заштитат луѓето со зголемен ризик од развој на тежок облик на болест Ковид-19 и хоспитализација, и да се намали ширењето на коронавирусот и спречување на појава на нови варијанти.
„Иако моментално достапните вакцини се исклучително ефикасни во заштитата од развој на тешка болест Ковид-19, ризикот од разболување е и понатаму присутен се додека не се создаде поголемо ниво на имунизација на населението. Сведоци сме на зголемување на бројот на случаи на коронавирус низ ЕУ/ЕЕА, а предметните вакцини и понатаму остануваат најдобриот избор за превенција на тешка болест и смртност од Ковид-19“, истакна Мајк Кечпол, водечки научник на ECDC.
Бидејќи националните кампањи за вакцинација се забрзуваат, во некои случаи се препорачува да се размисли за намалување на временскиот интервал помеѓу две дози на вакцина во одобрени граници, особено кај луѓето изложени на ризик од развој на тежок облик на Ковид-19.
Појавата на инфекција со коронавирус кај вакцинирани лица не значи дека вакцините не делуваат
Се додека вирусот вирусот SARS-CoV-2 се шири и додека поголема популација не е целосно вакцинирана, треба да се почитуваат националните мерки за контрола на коронавирусот, како што се носење заштитни маски и одржување социјална дистанца, дури и кај лица кои се целосно вакцинирани против болеста Ковид-19
Иако ефикасноста на вакцините против Ковид-19 одобрени во ЕУ/ЕЕА е исклучително висока, не постои вакцина што може да обезбеди 100% заштита. Ограничен број на инфекции со вирусот SARS-CoV-2 се можни кај целосно вакцинирани лица. Сепак, вакцините можат во голема мера да го спречат развојот на тешка болест Ковид-19 кај заразените лица и може да ја намалат потребата за хоспитализација.
„Вакцините против Ковид-19 се многу ефикасни. Меѓутоа, се додека вирусот продолжува да циркулира кај населението, ќе има можни случаи на инфекција кај вакцинираните луѓе“, вели д-р Фергус Свини, шеф на работната група за клинички испитувања и производство на ЕМА, додавајќи: „Ова не значи дека вакцините не се ефикасни. Вакцинираните луѓе се далеку подобро заштитени од развој на сериозна форма на Ковид-19 отколку невакцинираните луѓе, и сите ние треба да ги насочиме нашите напори на завршување на циклусот на вакцинација што е можно поскоро, односно да бидеме целосно вакцинирани“.
ЕМА и ECDC препорачуваат сите граѓани кои ги исполнуваат условите за вакцинирање да се вакцинираат целосно. Се додека вирусот SARS-CoV-2 се шири и додека поголема популација не е целосно вакцинирана, треба да се почитуваат националните мерки за контрола на коронавирусот, како што се носење заштитни маски и одржување социјална дистанца, дури и кај лица кои се целосно вакцинирани против болеста Ковид-19, стои во препораките објавени на веб-страницата на хрватската Агенција за лекови и медицински помагала (ХАЛМЕД).
