Новиот сој на коронавирус пристигна во нашето соседство, прашање на време е кога ќе затропа и на нашата врата.
Британскиот сој на коронавирус „допатува“ во Србија, заедно со патничка од Лондон. Таа имала негативен PCR тест, но вирусот, сепак бил изолиран, пишуваат српските медиуми. „Британскиот сој на коронавирус пристигна во Србија, исплашен сум. Патничка од Лондон го донесе коронавирусот на територијата на Србија. Жената која го донела вирусот имала негативен PCR тест“, објави претседателот на Србија, Александар Вучиќ.
Британскиот сој на коронавирус го доби името B.1.1.7, а научниците оценија дека оваа мутација на корона се шири дури 70 проценти побрзо од досегашниот доминантен вид.
На Универзитетот во Јужна Калифорнија, научниците го идентификуваа редоследот на симптомите на новиот сој на вирус и како тие се развиваат. Научниците ги анализирале стапките на инциденца на симптомите собрани од СЗО од над 55.000 илјади потврдени случаи на COVID-19.
Нивните откритија укажуваат дека симптомите се појавуваат по следниот редослед:
- Треска;
- Кашлица и болки во мускулите;
- Гадење и повраќање;
- Дијареја.
