Едно од нештата што ги интересираат родителите, барем од љубопитност, е колку ќе биде високо нивното дете кога ќе порасне. Тоа особено може да се прашуваат мајките и татковците, од кои едниот е многу висок, па ги интересира на кој од нив детето ќе “повлече“ на висината.
Она што е секако најважно е детето да се развива и расте нормално, а што се однесува до висината, иако никој од нас нема кристална топка, се чини дека постои начин барем приближно да се пресмета колку ќе биде високо вашето дете кога ќе порасне.
Како да се пресмета висината на детето
Она што многу луѓе не го знаат е дека висината што детето ја достигнува на двегодишна возраст е приближно половина од висината што ќе ја има кога ќе порасне. Ова е исто така и наједноставниот метод за пресметување на висината на детето, множејќи ја неговата висина на возраст од две години со два.
Што влијае да децата растат повеќе?
Кога станува збор за девојчиња, тие се развиваат побрзо, па нивната висина на возраст од 18 месеци помножена со два ќе ви каже каква висина можете да очекувате, објавува healthychildren.org. Сепак, имајте предвид дека нема научни студии што ја докажуваат точноста на овој метод.
Проценка во однос на висината на родителите
Постои уште еден, малку покомплициран метод за пресметување на висината на вашето дете. Она што треба да направите е да ја додадете вашата висина во инчи со висината (исто така мерена во инчи) на другиот родител на детето и да ја поделите со два. Потоа, додадете два и пол инчи на резултатот ако пресметувате висина на момче или одземете два и пол инчи ако пресметувате за девојче.
Секако, имајте на ум дека двата методи даваат само приближна висина на детето што можете да очекувате да порасне, но може да се случи резултатот да варира до четири инчи нагоре или надолу. Секако, колку се повисоки родителите, толку е поголема веројатноста дека детето ќе биде, додека децата на пониски родители веројатно ќе бидат и самите пониски.
Доколку имате било какви загрижености во врска со растот или развојот на вашето дете, најдобро е да се обратите кај педијатар и навремено да ги решите сите проблеми.
