На многу родители им е исклучително важно нивното дете или деца покрај одењето во градинка или во училиште да имаат уште неколку активности. Било да е тоа некаков индивидуален или екипен спорт, танци, музика, работилница или некоја креативна секција… поради сето тоа денешните деца се помалку време минуваат во игра, а уште помалку со своите родители. Така во просек на едно училишно дете за игра му остануваат само 12 часа неделно. И нема ништо лошо во тоа детето да има некоја активност со која ќе биде ангажирано по училиштето, но важна е умереноста.
Советот на психолозите е: едно дете, една активност!
Истовремено е важно децата не бидат вклучени во активности, поради притисок на околината. Кога веќе ќе одберете активност која најмногу му одговара на карактерот и потребите на детето, не го форсирајте да биде најдобро. Немојте да станете опседнати со успехот. Сепак, најважно е детето да се забавува. Подобра опција е да го охрабрите детето да биде онолку добро колку што може да биде, за да не воспитате деца кои цел свој живот ќе се чувствуваат дека не ги исполниле очекувањата.
