Десетици илјади бремени жени досега се вакцинирани против COVID-19 и немаше никакви „црвени знамиња“ во нивните реакции на вакцината, рече д-р Ентони Фаучи, главен медицински советник на американскиот претседателот Џо Бајден, за време на брифингот во Белата куќа.
Фаучи рече дека децата и бремените жени не биле вклучени во оригиналните клинички испитувања за вакцините против COVID-19 на Фајзер/Бионтек или Модерна, кои сега се овластени за итна употреба во САД.
Некои клинички испитувања во кои се вклучени бремени жени и деца наскоро ќе започнат или се веќе во тек, рече тој.
„Но, сакам да истакнам дека под EUA (Emergency Use Authorization), приближно 20.000 бремени жени се вакцинирани без, како што велиме „црвени знамиња“, и сето тоа се мониторира од страна на CDC и ФДА“, рече Фаучи во средата.
„Во однос на децата и бремените жени, како што споменав на претходната дискусија со оваа група, останува фактот дека ќе започнеме клинички испитувања, а некои веќе и започнаа. Но, нема да треба да ги правиме на десетици илјади луѓе“, рече Фаучи.
„Ќе ни биде доволно измерено во стотици до неколку илјади за безбедност и за тоа дали предизвикува или не имунолошки одговор кој е еквивалентен на имунолошкиот одговор за кој е докажано дека е ефикасен според испитувањата кои сега покажаа дека се од 94% до 95% ефикасни“. (Си-Ен-Ен)
