ПИШУВА:
Прим. д-р Лидија Спасова
педијатар-неонатолог
Начин на исхрана на доилките (2)
♦♦♦♦♦♦♦
Што не треба да консумираат доилките?
Би напоменала неколку работи. Прво, алкохол и цигари. Еден час после испиена чаша алкохол да не се дои детето, додека се изметаболизира алкохолот, а истото важи и за цигарата. Кога станува збор за мајки пушачи, да не се разбереме погрешно – јас не фаворизирам пушење, но не можете така едноставно да им забраните цигари на мајките. Што ќе добиеме со тоа? Фрустрирани и нервозни мајки. Тоа се избројани цигари во текот на денот и на овој начин не ја фрустрираме мајката и не му правиме штета на бебето.
Го спомнавме и кафето. Не дека тоа ќе направи некаква штета, но кофеинот може да го вознемири бебето, така што едно до две кафиња во текот на денот не се никаков проблем, но се разбира, да не бидат 20 кафиња!
Кога станува збор за употреба на лекови во време на доење, тие исклучиво треба да бидат во консултација со лекар, било со гинеколог или педијатар, бидејќи ние имаме точна шема кои лекови се дозволени, а кои не се дозволени за време на доење и се излачуваат во млекото. Ништо да не се пие на своја рака.
И секако дрогата, имаме и такви случаи, е строго забранета за време на доењето.
Што треба да внесува мајката?
Што дополнително би требало да внесува доилката? Чаевите коишто ги препорачуваме во прво време мислевме дека делуваат повеќе психолошки и дека како течност влијаат на зголемување на лактацијата, меѓутоа се востанови дека тие содржат растенија, супстанци за коишто и од најстаро време се знаело дека ја стимулираат лактацијата. Така што воопшто не е лошо да се пијат тие стимулативни чаеви за доење.
Изглед на млекото
Во однос на самото млеко има разни верувања: „Млекото ми е сивкасто, модро, имам многу тенко млеко“, ова се изјави од мајките, но ништо од сето тоа не е точно. Млекото кај жените има релативно стандарден состав. Тоа е докажано уште од времето на нацистичка Германија каде што го мереле составот на млекото во концентрационите логори каде што имало лоша храна. Има мала разлика во однос на маснотиите, другото е воглавно исто.
Кога станува збор за употреба на лекови во време на доење, тие исклучиво треба да бидат во консултација со лекар, било со гинеколог или педијатар, бидејќи ние имаме точна шема кои лекови се дозволени, а кои не се дозволени за време на доење и се излачуваат во млекото. Ништо да не се пие на своја рака
Слободно доење
Квалитетно млеко е секое мајчино млеко. Што е разликата од една до друга доилка? Тие се разликуваат во количината на млекото, а не во квалитетот! Стимулацијата за стварање на млеко е што почесто бебето да се става на града, затоа советот којшто го даваме е слободно доење. Што значи тоа? Слободно доење значи: каде што сака детето, колку што сака и кога сака.
Без ограничување, без гледање на часовник, нема потреба да биде стриктно на два или три часа или да се буди ноќе за цицање. Кога сака, колку сака и каде сака, доењето нека биде на барање на бебето. Често им велам на мајките, ако им бара бебето да цица и на 15 мин. – да му даваат и на 15 мин.!
Млекото не само што е храна за бебето, туку е имунолошка заштита, и утеха на бебето, и социјален момент, и психолошки момент, сè!
Сега веќе имаме и многу помагала во однос на доењето. За оние мајки коишто се ангажирани со работа – чување во ќесички, замрзнато или чување во фрижидер, пумпи за измолзување, силиконски брадавки и сл.
Слабеење после породување – кога е вистинскиот момент?
Прво и основно, диета – не, но зошто да не е здрава исхрана? Мајката да ги избегнува мастите и шеќерите, а повеќе да консумира овошје и салати.
Во однос на вежбањето, откако мајката ќе се почуствува способна, може да започне со лесни вежби, а потоа ако е професионалец може да тренира.
ПОВЕЌЕ ОД ИСТИОТ АВТОР, ПРИМ. Д-Р ЛИДИЈА СПАСОВА:
