ПИШУВА:
Прим. д-р Методија Томевски
специјалист педијатар
♦♦♦♦♦♦♦
ОСВРТ НА КОРЕЛАЦИЈАТА ПОМЕЃУ БЕСЕЖИРАНИТЕ И КОРОНА ЗАБОЛЕНИТЕ, ОД ИСТРАЖУВАЧКИОТ ИНСТИТУТ ЗА ТЕХНОЛОГИЈА (НУИТ) ОД ЊУЈОРК, САД
Зошто балкански успех, а не американски, британски, шпански, француски, италијански, швајцарски, белгиски или холандски?
Бидејќи сите овие развиени земји, порано или покасно, скоро сите ја укинаа задолжителната БЕСЕЖЕ вакцина, во периодот од 1963 год. па се до 2010 год., додека ИТАЛИЈА, ХОЛАНДИЈА и БЕЛГИЈА, од истите причини не ја ни вовеле како задолжителна. ЈАПОНИЈА ја вовела во 1947 год., КОРЕЈА некоја година покасно, и во двете земји се уште е задолжителна. И затоа смртноста од коронавирусот е 100-тина пати помала во однос на западноевропските земји, и изнесува 0,28 на 1.000.000 население. ШПАНИЈА ја применува од 1965 год. до 1981 год, значи само 16 години. И затоа и смртноста е висока и изнесува 29,5 на 1.000.000 население. ДАНСКА ја воведе 1946 год. па се до 1986 год.(40 години вакцинирала). Смртноста изнесува 2,3 на 1.000.000 население. КИНА ја вовела во 1948 год. па се до 1966 год. па прекинала до 1976 год. (додека траела револуцијата), потоа продолжила, али останал имунолошки џеп од 10 години. Смртноста изнесува 0,05 на 1.000.000 население. ИРАН ја вовела БЕСЕЖЕ вакцината во 1984 год. Тоа значи дека секој Иранец над 36 години не е заштитен. Прикажаните анализирани епидемиолошки податоци во врска со морбидитетот и морталитетот на заболените од коронавирусот, во корелација со периодот на бесежирањето, укажува дека постои значителна позитивна корелација. Но, сепак, оваа констатација, бара значително продлабочена антиципирана анализа како и понатамошни клинички и имунолошки истражувања, како би била задоволена парадигмата: МЕДИЦИНА БАЗИРАНА НА ДОКАЗИ.
Институтот за технолошки истражувања од Њујорк, предводен од д-р Гонзало Отазу, констатира дека има значајна корелација годината на воведувањето на БЕСЕЖЕ вакцинацијата и заболувањето (морбидитетот) и смртноста (морталитетот) од коронавирусот. Се смета дека вакцината против туберкулоза, го зајакнува човечкиот локален – органски како и системскиот имунитет и против други бактериски и вирусни заразни заболувања
Истражувачи од Холандија, следејќи ги пациентите кои заболеле од жолта грозница установиле дека кај бесежираните се констатира намалено присуство на вирусот од жолтата грозница во серумот на оболените. Истовремено во состав на меѓународните Брајс-истражувања се спроведуваат со истата цел да се провери корелацијата помеѓу бесежираните, коронавирусот и тежината на заболувањата. Истражувањето се спроведува на 10000 доброволци од медицинската фела, бидејќи тие први ќе бидат во ризик да се заразат и оболат. Истражувањето се изведува во Велика Британија, Холандија, Австралија и Бразил.
Во таа насока ќе биде и СТУДИЈАТА (МСРИ) MARDOK од Мелбурн, Австралија, со околу 4.000 доброволци, вработени во австралиските болници, која ќе започне наскоро, а ефектите од БЕСЕЖЕ вакцината се очекуваат за околу шест месеци, потоа ќе излезат со препораки за нивната примена. Институтот за технолошки истражувања од Њујорк, предводен од д-р Гонзало Отазу, констатира дека има значајна корелација, годината на воведувањето на БЕСЕЖЕ вакцинацијата и заболувањето (морбидитетот) и смртноста (морталитетот) од коронавирусот. Се смета дека вакцината против туберкулоза, го зајакнува човечкиот локален – органски како и системскиот имунитет и против други бактериски и вирусни заразни заболувања. Во прилог на овој став, правена е пионерска локална примена на БЕСЕЖЕ вакцината, заедно со другата основна терапија кај карциномот на тестисите, и значаен процент од пациентите биле излекувани. Овие опити се во истражувачка фаза.
Исто така епидемиологот д-р Предраг Кон како и д-р Тодоровиќ од Србија, констатираат дека вакцинираните пациенти имале полесна клиничка слика. Научниците, меѓу кои и д-р Ендрју Донардо, при Медицинскиот факултет во Тексас, сметаат дека ослабениот туберкулозен бацил (вакциналниот) го реорганизира епигеномот, со што овозможува експримација на одредени делови на имунолошкиот систем. Постои голема веројатност дека и десетината задолжителни и факултативни, како и кампанските вакцини, исто така придонесуваат за засилување како на специфичниот исто така и на општиот хуморален и клеточен неспецифичен имунитет. Исто така слични истражувања се спроведуваат во Холандија, под водство на раководителот на истражувачкиот тим на Универзитетот Радбоуд, д-р Михаи Нетеа.
За постигнатиот успех на балканските простори, покрај непрекинатото масовно децениско вакцинирање на новороденчињата, веројатно придонесе и прифаќањето на мерките за претпазливост препорачани од СЗО, прилагодени од министерствата за здравство и од владите на државите, кои беа предлагани од компетентни епидемиолози со големо искуство, но најважно е што беа масовно прифатени од населението, кое треба да ги спроведува, иако беа прилично рестриктивни, со карантиниски опфат на просторите на цели држави. Очигледно, тие кои каснеа и не ги почитуваа и се уште не ги почитуваат и не се придржуваат, имаат и полоши резултати. Една од нив е и нашата држава.
—————————————— (продолжува) ——————————————
- ПРОЧИТАЈТЕ И…
