ПИШУВА:
Прим. д-р Соња Петровска
педијатар-пулмоалерголог
♦ ♦ ♦ ♦ ♦ ♦ ♦
КЛУЧНИ ПОДАТОЦИ
◊ Ринитис е реакција што се јавува на очите, носот и грлото кога алергени од воздухот предизвикуваат ослободување на хистамин во организмот.
◊ Вообичаени причини за појава на алергиски ринитис вклучуваат полен, грини од домашната прашина, мувла, измет од бубашваби, животински влакна и чад од тутун.
◊ Избор на лекување вклучува избегнување на алергенот и лекови за лекување на симптомите кај детето.
Алергиски ринитис е реакција што се одвива во очите, носот и грлото кога алергени од воздухот предизвикуваат ослободување на хистамин во организмот. Хистаминот предизвикува чешање, оток и секрет кој ги запушува тесните носни ходници, синусите и ги отекува очните капаци.
Алергискиот ринитис може да се случи во одредена сезона или преку целата година. Целогодишниот алергиски ринитис се јавува почесто кај помали деца. Обично, постои семејна историја за алергиски ринитис.
ПРИЧИНИ
Најчестите причини за алергиски ринитис кај децата се:
- Полен од дрвја, трева или плевел;
- Грини од домашната прашина;
- Мувла;
- Измет од лебарка;
- Животински влакна;
- Чад од тутун.
ФАКТОРИ НА РИЗИК
Децата со астма се со поголем ризик за развој на алергиски ринитис. Алергискиот ринитис е чест проблем што може да биде поврзан со астма. Сепак, оваа врска не е целосно разјаснета. Експертите сметаат дека ринитисот го отежнува дишењето преку носот, што ја отежнува нормалната функција на носот. Дишењето низ устата не го загрева, филтрира или oвлажнува воздухот пред да влезе во белите дробови. Ова може да ги влоши симптомите на астма.
Контрола на астмата може да помогне во контролата на алергискиот ринитис кај некои деца.
СИМПТОМИ
Наведени се следните најчести симптоми на алергиски ринитис. Сепак, секое дете може да манифестира различни симптоми. Симптомите може да вклучуваат:
- Кивање
- Затнат нос
- Течење на носот
- Чешање на носот, грлото, очите и ушите
- Крвавење од носот
- Бистар секрет од носот
Децата со целогодишен алергиски ринитис исто така може да ги имаат и овие симптоми:
- Инфекции на ушите кои постојано се повторуваат
- ‘Рчење
- Дишење преку уста
- Проблеми со следење на наставата во училиште
- Црвена кожа на носот од постојано бришење на секретот
Симптомите на алергиски ринитис може да изгледаат како други состојби или медицински проблеми.
Децата со астма се со поголем ризик за развој на алергиски ринитис. Алергискиот ринитис е чест проблем што може да биде поврзан со астма. Сепак, оваа врска не е целосно разјаснета. Експертите сметаат дека ринитисот го отежнува дишењето преку носот, што ја отежнува нормалната функција на носот. Дишењето низ устата не го загрева, филтрира или oвлажнува воздухот пред да влезе во белите дробови. Ова може да ги влоши симптомите на астма
ДИЈАГНОЗА
Обично, дијагнозата ја поставува матичниот лекар врз основа на темелна медицинска историја и физикален преглед. За време на прегледот, лекарот може да најде и темни кругови под очите, набори под очите и отечена лигавица на носот. Во тој случај, матичниот лекар треба да го испрати детето на преглед кај алерголог. Алерголог е лекар, кој е обучен да направи алерголошки кожни тестови. Тестовите ќе покажат точно што ги предизвикува симптомите кај детето.
ТРЕТМАН
Лекарот ќе одбере најдобар третман за детето врз основа на:
- Колку години има детето;
- Моменталната здравствена состојба и минатите заболувања кај детето;
- Степенот на манифестација на болеста;
- Колку може детето да соработува при давање на одредена терапија, процедура или посебни видови на лекови;
- Колку долго се очекува да трае состојбата;
- Соработка со родителот.
Лекови за третман на ринитис може да бидат:
- Антихистаминици;
- Спреј за нос;
- Деконгестиви;
- Лекови за симптоми на астма;
- Хипосензибилизација (имунолошка терапија).
ПРЕВЕНЦИЈА
Превентивните мерки за избегнување на алергиски ринитис вклучуваат:
- Контрола на домашната средина, како климатизација за време на сезоната на полени;
- Избегнување на средини каде има многу прашина, грини, мувли;
- Избегнување домашни миленичиња.
Кога да се консултира лекар:
Ако симптомите на детето се влошат или ако се појават нови симптоми, тогаш треба да се консултира матичниот лекар.
Совети за родителот пред да појде на преглед кај матичниот лекар
- Родителот треба да ја знае причината за посетата кај матичниот лекар.
- Пред да појде на преглед треба да ги запише прашањата на кои сака одговор.
- Кога ќе појде на преглед треба да ги запише името на новата дијагноза и сите нови лекови, третмани или тестови. Исто така треба да ги запише и сите нови упатства што ги дава лекарот.
- Родителот треба да знае зошто е препишан нов лек и како ќе му помогне на детето. Исто така треба да му се објаснат и несаканите дејства на лекот.
- Родителот треба да знае дали состојбата на детето може да се третира на други начини.
- Родителот треба да знае зошто се препорачува одреден тест или постапка и што значат резултатите.
- Родителот треба да знае што да очекува ако детето не го зема лекот или не го направи тестот или постапката.
- Родителот треба да го запише датумот и времето на следната посета кај лекарот, како и целта на таа посета.
- Родителот треба да знае на кој начин може да контактира со матичниот лекар, кога тој не е на работа. Ова е важно ако детето се разболи и на родителот му треба совет што да прави.
ПОВЕЌЕ СТРУЧНИ ТЕКСТОВИ ОД ПРИМ. Д-Р СОЊА ПЕТРОВСКА
НА СЛЕДНИОВ
ЛИНК
