ПИШУВА:
Прим. д-р Соња Петровска
педијатар-пулмоалерголог
♦♦♦♦♦♦♦
Победете ја топлината: Избегнување на хипертермија
Кога се игра надвор на топло време, треба да се почитуваат следните правила: правење на чести паузи, пиење многу вода, носење лесна облека, одморање под сенка, на ладно
Сега, во лето, кога подоцна се стемнува и децата не се на училиште, прекрасното време и слободата го прават летото бесконечно. Во текот на летните месеци, топлината може да биде добредојдена, но исто така може да направи дехидратација, а во сосема ретки случаи, може дури и да биде смртоносна.
Што е хипертермија?
Високите температури во текот на летото може да резултираат со хипертермија. Оваа медицинска состојба се одвива кога телесната температура на човекот е поголема од 37.70 Ц – состојба слична на треска – и се јавува без промена во точката на температура на телото. Во суштина, ова се случува кога телото создава или апсорбира повеќе топлина отколку што може да ослободи.
Кои се причините за хипертермијата?
Хипертермијата обично е предизвикана од топлотен удар или лекови. Постојат два вида на топлотен удар: при напор и/или во мирување.
Топлотен удар при физички напор
Епизоди на вртоглавица се јавуваат кога некое лице учествува во физичка активност, како што е трчање или игра, спорт, кога е многу топол ден. Седењето на топло, и во затворен простор, се смета и за форма на напорен топлотен удар затоа што телото работи посилно од вообичаеното за да ја одржи својата нормална температура. Ова се влошува со непиење доволно вода, недостаток на климатизација или пиење алкохол. Хипертермијата може да се појави кога децата играат надвор, кога се затворени во топли станови или остануваат во автомобили. Топлотниот удар може да се случи дури и во релативно не многу топли денови, кога температурата надвор е околу 21º Ц, но како што се зголемува температурата, така ризикот се зголемува. Во 2010 година, 49 деца на возраст од 2 – 6 години починале од хипертермија откако останале затворени во автомобил.
Топлотен удар без физички напор
Топлотен удар без напор, обично е предизвикан од лекови кои го намалуваат потењето, вазодилатацијата и другите механизми за губење на топлина. Овие проблеми го прават телото помалку способно да толерира високи температури. Психотропни лекови и многу нелегални лекови како што е кокаинот, исто така, можат да предизвикаат хипертермија.
Во случај на сериозно покачување на температурата, се прави ладна бања или се поминува телото со сунѓер со вода. Ако температурата на телото на една личност се искачи над 40º Ц или лицето губи свест, се повикува службата за итна медицинска помош
Спречување на хипертермија
Правилна заштита од топлина и можна хипертермија е лесно да се реализира! Кога се игра надвор на топло време, треба да се почитуваат следните правила:
- Правење на чести паузи;
- Пиење многу вода;
- Носење лесна облека;
- Одморање под сенка, на ладно.
Ако се поминува подолго време во затворено, за време на топлотен бран, треба да се обезбеди просторија со клима уред или вентилатор.
Како да се олади телото
Во случај на сериозно покачување на температурата, се прави ладна бања или се поминува телото со сунѓер со вода. Ако температурата на телото на една личност се искачи над 40º Ц или лицето губи свест, се повикува службата за итна медицинска помош.
Во државата Калифорнија, нелегално е да се остави дете од 6 години или помало во возило без надзор затоа што претставува голем здравствен ризик, особено за време на потоплите месеци.
Еве неколку совети како да се чуваат децата безбедни и да се спречи хипертермија:
- Никогаш да не се остава детето само во автомобил, дури и со прозорците малку отворени (ова не е докажано дека ја намалува температурата);
- Ако се патува со дете, се оставаат личните работи близу до детето. На тој начин, кога ќе посегнете кон своите лични работи, ќе се потсетите да го земете и вашето малечко;
- Поставете потсетник на вашиот телефон дека детето не е во градинка. Ова може да ви помогне да запомните дека вашето дете е со вас;
- Кога излегувате од вашето возило, заклучете ги сите врати и багажникот. Чувајте ги вашите клучеви подалеку од дофат на деца;
- Ако вашето дете исчезнало, прво проверете го автомобилот и багажникот бидејќи може да остане заробено внатре. Останете безбедни ова лето заштитувајќи се себеси и вашето семејство од хипертермија додека се забавувате на сонце!
