Бременоста е состојба во која се случуваат најмогу промени во текот на животот на една жена.Тие промени се однесуваат како на физичката така и на психичката состојба, што во најголема мерка е резултат на хормоналниот дисбаланс.
Кога се во прашање физичките промени, тие најчесто се однесуваат на квалитетот на кожата ,косата, забите и ноктите. Во поголемиот број слуачи, косата и ноктите под влијание на хормоните добиваат на квалитет, но не е реткост да опадне и нивниот квалитет.
Кожата и забите најмногу “трпат“
Кожата е најподложна на промени во текот на бременоста, па потребна е и најголемо внимание. Таа се растегнува по неминовниот раст на стомакот, но поради прекумерното зголемување на телесната тежина, што може да доведе до појава на стрии – проблем кој најмногу ги мачи трудниците. На појавата на стрии не може многу да се влијае, но оптималното зголемувањето на телесната тежина и редовната хидратација на кожата се добри видови на превенција.
Забите најмногу страдаат ако во исхраната не седоволно застапени намирници богати со калциум, но и ако исхраната во голема мера е сведена на консумирање слатки и производи на основа на шеќери и други вештачки засладувачи.
Убавината доаѓа одвнатре
Еден од начините да блескате во бременоста, е во неа да влезете подготвено. Кога со насмевка и полно срце дознаеме дека сме бремени, не постои никој и ништо што може да ја тргне насмевката и ведрината од нашето лице.Во тој случај и хормоните ја губат моќта.
Освен тоа, научниците докажале дека психолшката состојба во голема мера може да влијае на квалитетот на кожата. Стресот, депресијата, опсесивно –компулсивното пореметување… може да бидат тригери за појава на разни лесни и тешки кожни заболувања. Затоа работата на внатрешната убавина и рамнотежа е од големо значење и за физичкиот изглед.
Моќта на храната
Храна која е најмоќна во превенција на трудничките тегоби – кои и тоа како умеат да остават дамка на целиот период на бременоста, е храната која изобилува со влакна ,квалитетени белковини, омега-3 масни киселини, витамини и минерали.Тоа значи дека во секојдневната исхрана на трудницата треба да бидат опфатени интегрални житарки и производи од истите, сурови семиња од лен, сусам, тиква и сончоглед, свежо овошје и зеленчук, јаткасти плодови,ладно цедени масла, риба (не од конзерва), пробиотски јогурт, јајца.
