Дали сте забележале дека вашето дете има бесмислена навика која ја сметате за многу непристојна и потенцијално опасна по неговото здравје, како што е грицкање на ноктите? Според лекарите, вашата загриженост е оправдана, бидејќи оваа навика на детето бара ангажман, односно бара да се занимавате со неговата состојба.
ПРОМЕНА ВО ОДНЕСУВАЊЕТО
Како и многу други специфични однесувања на детето и оваа навика може да му служи на детето да го привлече вашето внимание и да ви каже: “Тука сум, ми требаш, имам нешто да ти кажам, но не знам како“ или “Што уште треба да направам да сфатиш дека ми недостасуваш?“.
Ова е само едно од толкувањата на оваа присилна активност на детето. Може да се претпостави, објаснуваат експертите, дека грицкањето нокти или оникофагијата е начин детето да се избори со некоја ситуација која за него е фрустрирачка или загрозувачка на некој начин и во која се чувствува несигурно, незаштитено.
Оваа нервозна навика во тој случај може да се повторува поради чувство на анксиозност, незнаење како да се избори со новонастанатата ситуација или вознемиреност.
Грицкањето нокти може да биде поврзано и со некое друго пореметување, како што е синдром на хиперактивност или моментално случување во семејството, па тогаш здружено, често се јавува и проблем со пишувањето, читањето, пелтечењето, неразбирањето дека мама и тато се разведуваат, тато ја тепа мама, или тато пие, а мама многу работи и никогаш не е дома, доаѓање на нов член на семејството – сето ова може да го мачи детето и да е причина зошто тоа ги грицка ноктите оти не ја разбира ситуацијата, не му е јасно зошто е тоа така, а вие не сте му објасниле навреме.
Ако не се реши навреме, овој проблем може да стане многу поголем – доаѓа до повлекување на детето во себе, појава на агресивност или опседнувачки активности како што е грицкањето нокти.
