Со сите вкусни оброци што можете да ги подготвите со класична состојка, како што е кромидот, можеби се прашувате кога е вистинското време да со него се запознае и вашето бебе?
Кога и како да го нахраните вашето дете со цврсти намирници понекогаш може да биде збунувачки. За среќа, почетокот на запознавање на бебето со кромидот е релативно едноставно, пренесува Healthline. Ова се деталите за вклучување на овој вкусен луткаст зеленчук во исхраната на вашето малечко.
Кога е во ред да се воведе кромид?
Со својата цврста текстура и силниот вкус, кромидот можеби не е главен кандидат за првата цврста храна на вашето дете – но, според Американската академија за педијатрија (ААП), не постои совршен редослед по кој може да се воведуваат различни видови цврсти намирници.
„Кромидот може безбедно да им се даде на бебињата кога ќе почнат да јадат цврста храна, почнувајќи од околу 6 месеци“, потврдува педијатриската диететичарка Грејс Ши.
Предностите на кромидот за бебиња
Кромидот е здрава храна за луѓето од сите возрасти – а тоа ги вклучува и бебињата!
„Кромидот е преполн со хранливи материи кои се добри за бебињата, како влакна и пребиотици, кои го поддржуваат варењето“, вели Ши. Еден мал кромид содржи околу 1 грам влакна. Ова можеби не звучи многу – додека не земете предвид дека на бебињата им требаат само околу 5 грама од оваа хранлива материја дневно.
Покрај тоа, кромидот е значаен извор на витамин Ц, има околу 5 милиграми во во мал кромид. (Ова е околу 10 проценти од препорачаната дневна доза од 50 мг) за бебиња на возраст од 7 до 12 месеци.) Добивањето доволно витамин Ц може да му помогне на телото на вашето дете да создаде колаген, да се бори со штетните слободни радикали и да го одржува имунитетот. Во помали количини, кромидот обезбедува и фолна киселина, витамин Б6 и калиум.
Знаеме дека вашето бебе нема да изеде ниту еден мал кромид дневно. Но, покрај неговите нутритивни придобивки, кромидот нуди и придобивка од додавање вкус на бебешката храна без натриум или нешто вештачко.
Како да подготвите кромид за бебе
Исто како што вие веројатно не јадете кромид како јаболко, вашето бебе веројатно нема да тежнее по вкусот и текстурата на суров кромид. Кога воведувате кромид, започнете со вклучување во варено јадење, како што е пире со друг зеленчук. Можете да размислите и за ќофтиња, мусака или омлет ако вашето бебе веќе е навикнато на цврста храна. Ако одлучите самостојно да го храните вашето дете со кромид, важно е да го послужите сварено и исечено на мали парчиња. За да ја нагласите природната сладост на кромидот – што може да ги зголеми шансите вашето дете да ужива во него – обидете се да го испечете или да го издинствувате во малку маслиново масло.
Мерки на претпазливост и алергии
Освен силниот вкус на кромидот, можеби се прашувате дали треба да се воздржите да го храните вашето дете поради други причини, како што се алергии на храна. „Кромидот не се смета за вообичаен алерген нво исхраната; сепак, бебињата можат да бидат алергични на која било храна“, вели Ши. „Кога воведувате кромид, почнете со нудење мала количина за првите неколку оброци, внимателно следејќи ги несаканите реакции.
