Детето постојано ве прекинува додека зборувате
Ако му дозволувате на вашето дете да го прави тоа, тоа ќе порасне верувајќи дека другите мора да му обрнат внимание кога зборува и ќе биде многу фрустрирано кога тоа нема да се случи.
- Како да се спречи?
Следниот пат кога ќе бидете на телефон или во посета на пријател, нагласете му на вашето дете дека не сакате да ве прекинува додека разговарате. Потоа насочете го детето на активност додека вие учествувате во разговорот и за тоа употребете играчка што не сте ја користеле некое време, за да се заинтересира детето за неа. Ако се обиде да ве прекине, тивко упатете го да оди да игра додека не го завршите вашето. Исто така, дајте му до знаење на детето дека нема да го добие она што го бара, ако тоа го побара така што ве прекинува.
Игра премногу грубо
Ако не интервенирате кога детето е грубо додека игра, до осумгодишна возраст тоа може да се претвори во навика која ќе биде речиси невозможно да се изгуби.
- Како да се спречи?
Агресивното однесување треба да се прекине на лице место. Дајте му на детето до знаење дека ниту една постапка во која ќе повреди друга личност не е прифатлива. Пред следната средба со пријател или други деца, потсетете го детето да не биде грубо и помогнете му да најде начин да ја ослободи агресијата и да најави кога е луто.
Се прави дека не ве слуша
Ако морате повеќе пати да му повторите на детето да направи нешто, му давате до знаење дека тоа е главно, а не вие.
- Како да се спречи?
Не се довикувајте со детето, туку застанете пред него и кажете му јасно и гласно што сакате да направи. Внимание можете да му привлечете и ако го викнете по име, ќе го допрете неговото рамо или ќе го втишите телевизорот додека зборувате. Уште една метода е воведување санкции – ако детето се прави дека не слуша – прочитајте му една сликовница помалку пред спиење или укинете еден цртан филм.
Зема без прашање
Во ред е детето да биде самостојно и да може да зема некои работи, но не и да ги контролира активностите што вие треба да ги контролирате.
- Како да се спречи?
Смислете мали куќни правила кои често ќе му ги повторувате на детето. Ако вашето дете направи нешто што не треба – како да го вклучи телевизорот без ваша дозвола – кажете му да го исклучи и да ве праша пред да го стори тоа.
Безобразно е
Превртува со очите, ви враќа, често вели дека нешто не сака.. многу родители го игнорираат ова бидејќи мислат дека тоа е фаза што ќе помине. Но, што се случува, детето тргнува на училиште и родителите одеднаш се повикани поради проблематично однесување, на што се чудат.
- Како да се спречи?
Погрижете се детето да е свесно за своето однесување, но не така да се чувствува лошо, туку да осознае како изгледа и звучи кога се однесува непримерно. Ако тоа не помогне, одбијте ја интеракцијата додека не почне да се однесува пристојно.
Претерува
Понекогаш се чини дека не е голем проблем кога детето малку претеруваза работите да изгледаат подобро, но тоа може да се претвори во опасна навика.
- Како да се спречи?
Предупредете го детето дека не треба да го кажува она што не е вистина. Затоа што кога еднаш ќе ја каже вистината, никој нема да верува. Погледнете ги мотивите за лажењето Секогаш помага на децата да им се раскаже приказната за момчето кое го викало волкот иако волкот всушност не бил таму, а кога се појавил никој не дошол да му помогне бидејќи никој не му верувал.
