Проблемот ќе биде во тоа што ќе се јавува во исто време со сезонскиот грип, а многу е тешко да се разликува по клиничката слика, бидејќи тешкиот грип дава исто што и короната. Мора да се работи дијагностика која не се работела вообичаено досега и на грип и на корона
Белградската професорка д-р Ана Глигиќ, истакнат виролог и докторка која во 1972 година го потврди првиот случај на Вариола вера во тогашна Југославија и како микробиолог го потврди првиот Марбург вирус, во интервју за Канал 5 објаснува дека заразените со коронавирус кога го исфрлаат вирусот, тој се задржува и на личните предмети кога кашлаат. „Кога некој е позитивен при дишење и кашлање ги исфрла вирусните честички и секој кој ги користи истите предмети, било тоалетни материјали, било да ги допира површините каде вирусот се наталожил после кашлањето, секој може да се зарази, тоа мора да се знае“, потенцира проф. Глигиќ.
Во однос на моменталната состојба во земјава, професорката вели дека е потребно да се стега обрачот околу секое жариште и жариштата да се изолираат колку што може побрзо. Таа вели дека вирусот ќе се јавува како сезонска болест.
„Проблемот ќе биде во тоа што ќе се јавува во исто време со сезонскиот грип, а многу е тешко да се разликува по клиничката слика, бидејќи тешкиот грип дава исто што и короната. Мора да се работи дијагностика која не се работела вообичаено досега и на грип и на корона. Мислам дека вирусот се пренесува и преку воздух, бидејќи немам никакво друго објаснување и секогаш зборував во интервјуата да во еден ден во Италија и Шпанија имало илјада заболени од илјада контакти… Сликовито објаснив: сите да сме се бакнувале или на друг начин да сме контактирале не би можело тоа да се направи… Само преку капковно пренесување. Сметам дека постојат три врсти: директно капковно, капковно контактно и капковно кога ќе се исушат капките во воздухот кога ќе поминеме низ соба, ќе ја подигнеме прашината и тоа ќе го вдишиме“.
За добра вакцина, класична вакцина, а не комбинирана некоја генетска вакцина, потребно е најмалку 18 месеци
Со оглед на тоа дека вирусот ќе премине во сезонска болест треба веднаш да се почне со изработка на вакцина, додава проф. Глигиќ. „Меѓутоа исто така за добра вакцина, класична вакцина, а не комбинирана некоја генетска вакцина, потребно е најмалку 18 месеци. Некои веќе зборуваат дека во Русија има некакви проби, Кинезите веќе работат на тие вакцини, но ќе видиме, се уште никаде не сум видела ниту прочитала дека имаат резултат“, вели проф. д-р Ана Глигиќ во интервју за Канал 5.
