Иако децата ретко заболуваат од тешки форми на КОВИД-19 или завршуваат фатално, тие го пренесуваат вирусот и допринесуваат за ширење на епидемијата, предупредува проф. д-р Бојан Полиќ.
Треба ли да се вакцинираат децата за да конечно се стопира пандемијата е прашање кое се провлекува низ научните кругови, но и јавноста веќе извесно време. Што мисли за ова директорот на Заводот за хистологија и ембриологија при Медицинскиот факултет во Риека, проф. д-р Бојан Полиќ, одговара за хрватските медиуми.
Сметате ли дека треба да се вакцинираат децата со цел да се стопира ширењето на вирусот и зошто?
Иако децата ретко заболуваат од потешки форми на КОВИД-19 или умираат, тие го пренесуваат вирусот и допринесуваат за ширење на епидемијата. Тоа особено се однесува на децата на училишна возраст кои имаат интензивни контакти што годи на ширењето на вирусот. Децата по училиште одат во своите домови и го пренесуваат вирусот на домашните. Процентот на вакцинирани возрасни лица не е голем и на потребното ниво. Исто така постои дел од возрасните кои дошле во контакт со вирусот, но не сите стекнале доволен имунитет, особено оние кои асимптоматски ја прележале инфекцијата.
Со оглед дека децата се важен фактор на пренесување на инфекцијата, мислам дека училишните деца треба да се вакцинираат. Иако вакцинираните лица можат да бидат инфицирани и дури покусо време и инфективни, интензитетот на таа инфекција и заразноста е многу помала во споредба со заразноста на невакцинираните лица. Поради тоа, со вакцинирањето сепак во најголема мера го прекинуваме пренесувањето на вирусот, што е многу важно за стопирање на епидемијатга. Освен тоа, мора да имаме предвид дека децата не се изземени од тешки форми на КОВИД-19, како што е на пример мултиинфламаторниот синдром, а исто така кај одреден процент на инфицирани деца забележан е и пост-КОВИД синдром во форма на намалена концентрација, како и дигестивни и други проблеми“, потенцира проф. д-р Полиќ.
