ПИШУВА:
Проф. д-р Бранимир Несторовиќ
педијатар пулмолог-алерголог
♦♦♦♦♦♦♦
Храна која помага кај астма
Астмата е честа болест, која прилично го отежнува животот на болните (секој којшто имал чувство на недостаток на воздух знае колку е ова чувство непријатно). Покрај лековите постојат и намирници кои може да ги олеснат тегобите на заболените, намалувајќи го бројот на напади.
ЈАБОЛКО. Истражувањата покажуваат дека пиењето сок од јаболко ја намалува зачестеноста на епизодите на свирење во градите дури за 50%. Студија од Европа покажала дека бремените жени кои јаделе четири јаболка неделно, имаат 53% помала шанса да родат дете со астма. Веројатно овој ефект е поврзан со високата концентрација на кверцетин. Јапонските автори во студијата од 2013 година ги потврдија антиалергиските својства на кверцетинот, а лекарите од Индија откриле дека овој полифенол има одлични противвоспалителни својства и кај атописки дерматитис (детски егзем). Во статијата објавена во 2011 година, италијанскиот професор Салваторе Чирумболо ги истакнува одличните антиалергиски својства на кверцетинот.
Студија во која учествувале 68.535 жени покажала дека високиот внес на спанаќ ја намалува шансата за добивање на астма
Авторите од Словачка ја утврдија исклучителната способност на кверцетинот да ги шири стеснатите дишните патишта кај астмата. Кверцетинот уште се наоѓа и во кромидот, брокулите, црното грозје, црешите, лимонот, чајот, бобичестото овошје. Значи, точна е старата изрека дека едно јаболко на ден го брка докторот од домот.
АВОКАДО. Се смета за една од најздравите намирници воопшто, благодарение на високата содржина на l-glutation, кој е моќен антиоксидант.
СПАНАЌ. Студија во која учествувале 68.535 жени покажала дека високиот внес на спанаќ ја намалува шансата за добивање на астма. Состојките кои би можеле да имаат поволно дејство се магнезиум (дефицитот на магнезиум е чест кај пациентите кои страдаат од астма), витамин Ц или бета-каротен. Попај не случајно јадеше спанаќ за да стане силен.
Кверцетинот уште се наоѓа и во кромидот, брокулите, црното грозје, црешите, лимонот, чајот, бобичестото овошје. Tочна е старата изрека дека едно јаболко на ден го брка докторот од домот
БАНАНА. Според студијата на Кралскиот колеџ во Лондон од 2011 година, децата кои консумирале една банана дневно имале 34% помал ризик да добијат напад на астма. Една друга студија покажала дека децата кои консумирале банани во раното детство имаат намален ризик за добивање леукемија.
ЃУМБИР. Коренот на ѓумбир е полн со состојки кои го потиснуваат воспалението. Сличен ефект има и куркумата.
БОЗЕЛ. Цветот на бозел содржи голема количина на кверцетин. Студијата на University of Maryland Medical Center (UMMC) покажува дека кверцетинот е особено ефикасен како антиалергиски лек.
ЧИА СЕМКИ. Тие се богат извор на омега 3 масни киселини, магнезиум и кверцетин. Омега 3 се покажа како одличен противвоспалителен лек кај астма.
