Професорот Бранимир Несторовиќ, педијатар пулмолог – алерголог од Универзитетската детска клиника „Тиршова“ во Белград, вели дека родителите не треба да се плашат да заминат на годишен одмор со своите деца. Важно е, вели тој, да се обезбеди доволно вода и храна за по пат и најосновната аптека.
Д-р Несторовиќ додава дека денеска е „модерно сите да се грижат и да се плашат“, и дека родителите за кратко патување до Грција или Црна Гора се подготвуваат како за експедиција на Северниот пол.
„Децата се многу отпорни, ние се раѓаме со отпорност на најголем број на болести… Зошто бебињата да не одат на пат, не сум поддржувач на претераната заштита на децата, треба да се понесе храна и вода, и тоа во доволни количини. Децата се чувствителни на дехидратација и треба да се има храна која е лесна, некое чоколатдце или бисквита, кои релативно брзо го намалуваат гладот“, објаснува тој.
Докторот апелира до родителите да ги врзуваат своите деца во автомобилите, бидејќи децата до четиригодишна возраст имаат несразмерно крупна глава во однос на телото и при нагло кочење може да излетаат преку шофершајбната. „Немојте да им дозволувате на децата да играат, беснеат во автомобилот“, советува Несторовиќ, и додава дека иако е противник на давање на телефони и таблети на децата, за време на патувањето може да ги смирите и на тој начин, а за неколку часа гледање во екранот нема да им се случи ништо страшно.
Децата се многу отпорни, ние се раѓаме со отпорност на најголем број на болести… Зошто бебињата да не одат на пат, не сум поддржувач на претераната заштита на децата, треба да се понесе храна и вода, и тоа во доволни количини. Децата се чувствителни на дехидратација и треба да се има храна која е лесна, некое чоколатце или бисквита, кои релативно брзо го намалуваат гладот
Родителите при рака треба да имаат и облека за пресоблекување бидејќи децата честопати се потат за време на патувањето. За климата во автомобилите вели дека колку е добра толку е и лоша, не само поради млазот на ладниот воздух, туку бидејќи често е контаминирана со габи. Затоа, климата треба да се користи умерено, со разлика од седум до најмногу десет степени во однос на надворешната температура на воздухот.
Зборувајќи за аптеката која треба да се понесе на пат, Несторовиќ вели дека не треба да се претерува – со себе задолжително треба да имате пробиотик и препарат на база на цинк кој е ефикасен против дијареја. Понатаму, тој вели дека треба да се понесе и сируп против температура.
„Не би советувал носење на антибиотици, бидејќи тие често се злоупотребуваат. Се советува и да носите сируп од билки против кашлица и ханзапласт. За опекотини од медуза најдобриот лек е, вели тој, да се втрие краставица, додека при убод од еж треба секогаш да се јавите на лекар, бидејќи раната ќе загнои.
Кога станува збор за креми за сончање, Несторовиќ вели дека е тешко да се поверува дека една супстанца може да биде заштита за сите УВ зрачења и дека најефикасни се „некои потполно идиотски работи“ како што е сируп од бозел или црвено овошје. Исто така, советува и задолжително да понесете очила за сонце на одмор.
За заштита од комарци е најдобро на децата да им се даде Б1 витамин, кој „страшно им смрди на инсектите“.
Професорот апелира до родителите да ги врзуваат своите деца во автомобилите, бидејќи децата до четиригодишна возраст имаат несразмерно крупна глава во однос на телото и при нагло кочење може да излетаат преку шофершајбната
Несторовиќ, исто така, објаснува и дека приморјето не е проблем за деца со алергии, затоа што нема растенија кои предизвикуваат алергија, ниту грини бидејќи е суво и топло. Доколку одите на планина, треба да се внимава бидејќи на тие висини тревите цветаат еден месец подоцна.
Професорот предупредува и на можноста од давење и затоа им порачува на родителите никогаш да не ги оставаат своите деца без надзор и внимателно да ги користат гумите за пливање бидејќи лесно може да се извлечат.
„Децата се брзи, љубопитни. Мора строго да се внимава. Ако е поголема гужва, сешто се случува. Не може да се пие кафе, да се пуши цигара“, предупредува д-р Несторовиќ.
