Во претстојниот викенд (15 и 16 мај) не очекува многу значаен стручен настан кој на едно место и со една цел ќе ја обедини балканската елита на уролози, кои ќе бидат дел од Симпозиумот на Балканското здружение на уролози (BAU). Во кратки црти, кои се темите за кои ќе се дискутира и на што ќе биде ставен акцентот, дознаваме од Претседателот на Балканското здружение на уролози (BAU), проф. д-р Оливер Станков.
„Пандемијата на Ковид-19 е огромен предизвик за сите, од различни аспекти. Но, дури и во овој период, едукацијата и размената на знаења е важен дел од нашите животи“, ќе кажете во воведот на Симпозиумот на Балканското здружение на уролози, кој ќе се одржи онлајн викендов (15 и 16 мај). Професоре, кои се темите за кои ќе се дискутира и за кои ќе се разменуваат искуства на претстојниот настан?
Проф. д-р Станков: Темите на Балканскиот симпозиум се бенигна хиперплазија на простатата, карцином на простата, заболувања на мочниот меур и бубрезите, трансплантација, примена на роботска хирургија.
Кои се најновите достигнувања во оваа медицинска гранка, на што ќе биде ставен акцентот?
Проф. д-р Станков: Акцентот ќе биде ставен на роботот Да Винчи.
Темелите на Балканското здружение на уролози беа поставени на 3. Конгрес на Македонското здружение на уролози што се одржа во 2018 година во Охрид. Колку здруженија од регионот членуваат во Балканското здружение и колку сте задоволни од неговото функционирање во изминатиов период?
Проф. д-р Станков: Во нашето Здружение BAU членуваат уролози од целиот Балкански простор и од Кина. (К.Ш.Д.)
