♦♦♦♦♦♦♦
Хрватскиот научник Гордан Лауч вели дека треба да се имаат предвид две работи кога станува збор за коронавирусот – едната е дека колку повеќе луѓе се разболуваат, толку повеќе од нив стекнуваат имунитет, а другата е дека вирусот е полесен во лето, па затоа е подобро да се добие сега. „Овој вирус се шири брзо и ќе бидат заразени голем број на луѓе“, изјави проф. Лауч, гостувајќи утрово во емисијата на ХРТ.
Говорејќи за „двата“ коронавируси, тој рече дека она што загрижува е зимата. „Ние немаме многу болни, мал број луѓе се на респиратори. Во моментов, оние што умираат се многу тешко болни, имаме малку луѓе кои страдаат од Covid-19. Но, ми се чини дека во зима не е така. Вирусот во лето е поблаг. Цела Европа сега има случаи, но не и луѓе во болниците и луѓето не умираат како претходно“, рече Лауч.
Тој објасни дека се покажало дека има два COVID-19 – летен и зимски.
„На лето е поблаг и многу луѓе имаат благи симптоми. Многу е гаден во зима, убива и ги напаѓа белите дробови. Не можеме да го поистоветиме со она што се случува сега. На крајот на октомври, ни се враќа потешката форма и не треба да ја игнорираме. Не може да ја чекаме тешката форма и дури потоа да се однесуваме одговорно“, додава Лауч.
COVID-19 и деца
Што се однесува до децата и коронавирусот, вели дека резултатите се доста контрадикторни.
„Некои истражувања покажаа дека децата многу малку ја шират болеста, не се опасни, додека некои истражувања покажаа дека се. Заклучокот е дека не знаеме доволно. Верувам дека децата ќе одат на училиште затоа што тоа им е важно, а дали ќе мора да ја прекинуваме наставата, тоа се уште никој не знае“, рече тој. (Индекс.хр)
