Со оглед на тоа дека неодлучноста во поглед на вакцинацијата е главниот ризик фактор за високата стапка на смртност од коронавирус во средна и источна Европа, истражувачите се надеваат дека идентификувањето на лицата со најголем ризик ќе ги поттикнат на вакцинација и ќе им овозможи пристап до поинтензивни можности за лекување во случај на инфекција.
“По повеќе од година и половина работа, беше можно да се идентификува генот одговорен за предиспозиција за тешка форма на болеста. Ова значи дека во иднина ќе можеме да ги идентификуваме лицата со предиспозиција сериозно да страдаат од КОВИД-19“, изјави министерот за здравство Адам Ниџиелски.
Научниците од Медицинскиот универзитет во Бјалисток откриле дека генот е четвртиот најважен фактор кој одредува колку сериозно лицето страда од КОВИД-19, по возраста, тежината и полот.
Генот е присутен кај околу 14 отсто од полската популација, во споредба со 8-9 отсто во цела Европа и 27 отсто во Индија, објасни Марцин Мониушко, професор задолжен за проектот.
Други студии, исто така, ја покажаа важноста на генетските фактори во тоа колку сериозно се развива КОВИД-19.
Во ноември, британските научници објавија дека идентификувале верзија на генот што може да се поврзе со двоен ризик од затајување на белите дробови при заболување со коронавирусната болест КОВИД-19.
