Најзначајни параметри кои се следат при анализата на урината во бременоста се кетони, глукоза (шеќер) и протеини. Мерењето на кетони и шеќер е многу важно, бидејќи нивното присуство може да укажува на појава на гестациски дијабетес.
Мала колчина на протеини во урината за време на бременоста, т.н. појава во траги, не треба да ве загрижува. Тоа може да биде сосема нормална појава, додека поголема нивна вредност за време на рана бременост главно укажува на некоја инфекција.
Протеини во урината може да се појават од сосема вообичани причини, како по некоја потешка физичка активност или после вежбање, по стрес, настинка, дехидратација… Но, нивната појава може да укажува и на сериозна состојба.
Во раната бременост, поголема вредност на протеини во урината главно укажува на инфекција. Кога бременоста ќе поодмине, зголеменото ниво на протеини може да биде знак на сериозна состојба.
Високото ниво на протеини во урината често укажува на прееклампсија, која е сериозна состојба во бременоста проследена со висок крвен притисок и може да доведе до отежнат доток на крв од мајката до бебето.
