Житарките се одличен извор на железо и витамини од Б групата, вклучувајќи и фолна киселина. Таа е важна за искористување на протеините, потребни за градење на мускулите, но и калориите кои му се потребни на бебето за раст и развој.
Вообичаено, житарките се првата немлечна храна за бебињата, во чија исхрана се воведуваат на возраст од 4 до 6 месеци.
Први житарки кои бебето ги консумира се ориз и пченка, бидејќи се лесно сварливи и предизвикаат најмалку алергии, не содржат глутен (протеин кој се наоѓа во пченицата и ‘ржта, и кај почувствителните деца може да предизвика болест – глутенска ентеропатија). По навршување на шест месеци, на детето може да му се дадат комбинирани житарки, кои содржат пченица, просо, јачмен и ‘рж.
Житарките наменети за исхрана на бебињата мораат да минат низ фаза на обработка (мелени, одвојување, полирање), за време на која одредени хранливи состојки (витамини и минерали) се губат, оштетуваат и менуваат, а може да дојде и до други – оксидативни промени.
