ПРИЧИНИ И СИМПТОМИ: Интолеранција на лактоза кај бебе

Еден од многу честите проблеми во исхраната на бебето може да биде интолеранцијата на лактоза. Зошто доаѓа до овој проблем, кои се симптомите и која е разликата помешу интолеранција и алергија на млеко?

Интолеранцијата на лактоза е намалена способност за варење на шеќерите од млекото, а како последица на недостаток на соодветен ензим на лактаза. Бебињата кои цицаат исто така може да бидат интолерантни на лактоза, со оглед на фактот дека таа се наоѓа и во мајчиното млеко и во млечната формула.

  • Зошто доаѓа до интолеранција на лактоза?

Интолеранцијата се јавува кога ќе дојде до оштетувања на слузницата на цревата. До тоа најчесто доаѓа по дијареа што ја предизвикуваат вируси ( како ротавирус). Бебињата со интолеранција не можат како што треба да ја сварат лактозата и таа останува во дигестивниот систем. Лактозата привлекува вода, што потоа доведува до дијареа.

Многу малите бебиња често не можат да создадат доволно од ензимот лактаза кој помага во варењето на млечниот шеќер.

Детето може да има интолеранција и без инфективна дијареа. Кај овие деца со тек на време се зголемува количината на ензимот, така што нема причина да престанете со доење, освен ако интолеранцијата е пречеста, па предизвикува дехидратација или забавен раст кај бебето.

Ако сте во можност, продолжете со доењето, освен ако педијатарот не ве посоветува да прекинете на одреден временски период.

СИМПТОМИ

  • Болка и оток во стомачето на бебето
  • Не можете да воспоставите време на доење или одвојување од дојка
  • Недоволно добивање на телесна тежина кај детето
  • Дијареа
  • Пенаста и водлеста столица
  • Гасови и грчеви
  • Црвенило по кожата
  • Плачење додека детето врши голема нужда
  • Иритации

РАЗЛИКА ПОМЕЃУ ИНТОЛЕРАНЦИЈА НА ЛАКТОЗА И АЛЕРГИЈА НА МЛЕКО?

Иако предизвикуваат слични симптоми, тоа се две различни работи. Додека алергијата претставува реакција на имунитетот на она кое не му одговара на организмот, интолеранцијата претставува пореметување во варењето.