„ПРВАЧЕ-МАЧЕ“. Драги родители, ослободете го детето од стресот – навистина не е потребно да знае да пишува, да чита и да брои пред да тргне на училиште

Ако вашето дете забележи знаци на непријатност или страв кај вас, тоа само ќе ги зголеми неговите стравови. Нека стекне впечаток дека училиштето е пријатно, забавно и безбедно место, а поаѓањето на училиште е причина за радост на целото семејство

Добра идеја е и да организирате мала семејна прослава за детето да сфати дека одењето на училиште е нешто кое се слави, а не да се плаши

◊◊◊◊◊◊◊

Подгответе го детето за почетокот на училишната настава со чести разговори на таа тема. Раскажувајте му на своето дете за вашите забавни авантури од училиште, кажете му дека ќе запознае многу нови пријатели на училиште и дека ќе му биде забавно, а исто така, корисно е и да прошетате до училиштето за детето да види како ќе изгледа просторот во кој ќе минува добар дел од своето време.

  1. Без страв од училиште

За време на сите разговори пред и подоцна кога ќе почне наставата, останете сталожени и ведри, немојте да покажувате дека можеби вие се плашите од почетокот на наставата и поаѓањето на детето на училиште.

Не споредувајте го вашето дете со другите деца

Ако вашето дете забележи знаци на непријатност или страв кај вас, тоа само ќе ги зголеми неговите стравови. Нека стекне впечаток дека училиштето е пријатно, забавно и безбедно место, а поаѓањето на училиште е причина за радост на целото семејство.

  1. Причина за славење

Исто така, добра идеја е да организирате мала семејна прослава за детето да сфати дека одењето на училиште е нешто кое се слави, а не да се плаши.

Раскажувајте му на своето дете за вашите забавни авантури од училиште, кажете му дека ќе запознае многу нови пријатели на училиште и дека ќе му биде забавно

  1. Без споредби

Не споредувајте го вашето дете со другите деца. Не е потребно вашето дете да знае да пишува, да чита и да брои пред да тргне на училиште – сето тоа ќе го научи во прво одделение.

Подгответе го детето за почетокот на училишната настава со чести разговори на таа тема
  1. Не очекувајте само петки

Немојте да имате преголеми очекувања за оценките што вашето дете ќе ги добива на училиште. Улогата на училиштето не е само едукативна, туку и развојна, и вклучува и учење на справување со неуспехот, развивање на одговорност и социјални вештини, што на крајот е поважно и од самите оценки.

  1. Осмислете си свој ритуал

Ако вашето дете покажува знаци на преголем стрес (плачење, одбивање на одење на училиште, одбивање да се одвои од вас), осмислете мал „ритуал“ кој ќе го повторувате секој ден при одење на училиште и кога ќе го пречекувате пред училиштето после наставата (на пример, испратен бакнеж во дланка „за подоцна“, носење на омилената играчка на училиште или весел цртеж кој го нацртале родителите за охрабрување…).

⇒ Имајте на ум дека наставниците и стручните соработници во училиштата се тука за да му помогнат на вашето дете. Не двоумете се да побарате помош и совет ако е потребно.

ПОВРЗАНИ НАПИСИПОВЕЌЕ ОД АВТОРОТ