Хранењето на новороденче е обврска која трае 24 часа дневно. Тоа е и прекрасна можност да започнете да ја градите врската со новиот член на семејството. Еве неколку совети кои ќе ви помогнат при хранењето.
Изберете мајчино млеко или формула
Мајчиното млеко е најдобрата храна за бебињата. Само во ретки случаи тоа не е можно. Ако доењето не може да се оствари, користете адаптирано млеко. На здравите новороденчиња не им се потребни житни каши, вода, сокови или други течности.
Внимавајте на раните знаци на глад, како што се ставање на рачињата во устата, цицање на тупаници или прсти, мрдање со усните. Плачењето е подоцнежен знак. Колку порано го започнете оброкот, толку е помала веројатноста бебето да стане вознемирено
Хранете го бебето кога ќе покаже дека е гладно
Повеќето новороденчиња јадат од 8 до 12 пати дневно, што значи приближно на секои 2 до 3 часа.
Внимавајте на раните знаци на глад, како што се ставање на рачињата во устата, цицање на тупаници или прсти, мрдање со усните. Плачењето е подоцнежен знак. Колку порано го започнете оброкот, толку е помала веројатноста бебето да стане вознемирено.
Контактирајте го педијатарот ако бебето не добива на тежина, има помалку од шест мокри пелени дневно или покажува мал интерес за храна
Кога бебето престанува да цица, ја затвора устата или се врти настрана, тоа може да значи дека е сито или дека само прави кратка пауза. Обидете се да го подждригнете, па почекајте минута пред повторно да му ја понудите дојката или шишето.
Како што растат, бебињата внесуваат поголема количина млеко за пократко време.
Размислете за додаток на витамин Д
Разговарајте со педијатарот за потребата од витамин Д за вашето бебе, особено ако го доите. Мајчиното млеко не содржи доволно витамин Д, а тој е важен за апсорпција на хранливи материи кои помагаат во развојот на силни коски.
Очекувајте променлив апетит
Вашето новороденче може да јаде различни количини. За време на периоди на забрзан раст, може да зема повеќе храна при секое хранење или да бара да се храни почесто. Таквите периоди обично се јавуваат 2 до 3 недели по раѓањето. Реагирајте веднаш штом забележите рани знаци на глад, наместо да се водите според времето помеѓу хранењата.
Верувајте им на своите инстинкти – и на инстинктите на вашето бебе
Можно е да сте загрижени дали вашето бебе јаде доволно, но најчесто бебињата точно знаат колку им е потребно. Наместо да броите колку често и во кое време јаде, обрнете внимание на:
- Постојан пораст на телесната тежина.
- Мирно и задоволно однесување меѓу оброците.
- До петтиот ден по раѓањето, најмалку шест мокри пелени и три или повеќе столици дневно.
Контактирајте го педијатарот ако бебето не добива на тежина, има помалку од шест мокри пелени дневно или покажува мал интерес за храна.
Хранењето како време за поврзување
Држете го вашето бебе блиску при секое хранење. Остварете контакт со очи, зборувајте му нежно. Искористете го секое хранење како можност да го изградите чувството на безбедност, доверба и утеха кај вашето новороденче.
Создадете рутина при хранењето
Ако и други членови на семејството или негуватели го хранат бебето, важно е сите да го следат истиот ритам и начин на хранење кој вие го користите.
Побарајте помош кога е потребно
Ако имате потешкотии со доењето, побарајте помош од консултант за лактација или од педијатар. Посебно побарајте помош ако секое доење е болно или ако бебето не добива на тежина. Ако сè уште не сте работеле со консултант за лактација, побарајте упат од вашиот лекар или во одделот за акушерство во најблиската болница.
