Клиничката и здравствена психологинка, д-р Бронах Фицпатрик, им порачува на родителите дека се веројатно многу подобри во својата родителска улога отколку што мислат. Таа ги истакна клучните знаци преку кои може да се препознае дали детето се чувствува емоционално безбедно, и своите набљудувања, засновани на долгогодишна пракса.
Темелот на здравиот развој
Фицпатрик, која и самата е мајка на две деца, објаснува дека емоционалната сигурност е основата на развојот кај детето.
„Кога децата се чувствуваат безбедно – и емоционално и физички – нивниот мозок може да се фокусира на раст, учење и поврзување, наместо постојано да биде во состојба на подготвеност за закана“, вели таа.
„Тоа им овозможува со самодоверба да го истражуваат светот, знаејќи дека имаат сигурна база на која секогаш можат да се вратат.“
На подолг рок, додава таа, емоционалната безбедност е поврзана со посилни односи, поголема отпорност на стрес и подобро ментално здравје. Од друга страна, децата кои растат без овој чувство може да се соочат со недоверба во себе, проблеми со поврзување и потешкотии со емоционална регулација.
5 знаци дека детето се чувствува емоционално безбедно
„Ако вашето дете ги прави овие пет работи – вие правите подобра работа отколку што мислите“, вели Фицпатрик и ги наведува следниве показатели:
🔹 Ги именува своите емоции
– Ова покажува дека се чувствува безбедно да ги изразува.
🔹 Се опоравува од мали неуспеси
– Тоа значи дека има доверба дека некој ќе му помогне да се справи со нив.
🔹 Покажува љубопитност
– Знак дека се чувствува доволно сигурно за да истражува и учи.
🔹 Понекогаш само се смирува
– Доказ дека почнува да ја развива вештината на саморегулација.
🔹 Покажува приврзаност (прегратки, држење за рака, „high-five“)
– Тоа значи дека чувствува сигурност дека љубовта што ја дава ќе биде прифатена.
