Децата и тинејџерите одвреме-навреме доживуваат одредена количина на гнев, лутина или фрустрација, и тоа е сосема разбирливо. Сепак, како што објаснуваат психолозите за порталот Empowering Parents, родителите во овие случаи често прават грешки кои негативно влијаат на нивното и онака вознемирено дете.
Справувањето со детската лутина и изливи на бес е една од најтешките работи со кои се соочува речиси секој родител. Не само што е тешко да се реагира со ладна глава, туку е и исцрпувачко и лесно може да не обесхрабри да мислиме дека не сме доволно добри родители. Токму затоа е важно да внимавате да ги избегнувате следните работи. Тоа подразбира:
- Емоционални и бурни реакции
- Обвинување на детето за неговите лоши чувства
- Закани
- Викање или физичко казнување
- Префрлање на вина.
Исто така, психолозите советуваат родителите да чекаат детето да се смири и дури потоа да се обидат да разговараат со него за да го разберат и да се обидат да разберат што го вознемирило толку. Како што објаснуваат, повеќето родители токму тука грешат затоа што го игнорираат проблемот мислејќи дека е привремен, а всушност може да доведе до многу посериозни последици доколку не се реши навреме.
