„Што ќе ми кажувате вие мене, сигурно јас најдобро знам што е најдобро за моето дете!“ – ова може да биде една од најкобните реченици што ќе (и веќе оставила) страшна трага кај идните генерации луѓе, денес на децата кои родителите систематски ги воспитуваат со цела низа грешки. Да, грешки и не – не ги игнорирајте мислејќи дека вие не сте еден од тие родители, бидејќи сигурно вие најдобро знаете што е најдобро за вашето дете!
Затоа, проверете дали правите вакви грешки, бидејќи знаете, не се работи за строги правила и принципи. Проблемот во голема мера е поврзан само со една грешка – да се поставите кон детето како да е мало или како да е големо, бидејќи токму тука лежи збунувачкиот фактор на модерното родителство и како за белја, многу родители во одредени моменти почнуваат малото дете почнуваат да го третираат како големо, тогаш кога треба да го третираат како мало, а веќе следната минута кога треба да му ја дадат таа насока како да е големо, родителите го земаат во раце, не даваат да порасне, го галат и пазат.
Проверете кои се најчестите грешки и обидете се, навистина обидете се да размислите дали е навистина можно со начинот на воспитување грешите во нешто што подоцна ќе биде тешко да се поправи. Затоа што проблемот е во малите нешта, а не во големите работи, но малите работи најчесто доведуваат до големи проблеми.
За овие типични грешки укажува детскиот психолог и родител Мајк Лери.
1. Дали им давате премногу избор? – добра намера која всушност многу ги збунува децата и им остава впечаток дека СЕКОГАШ ќе имаат избор и СЕКОГАШ ќе биде по нивно.
2. Дали ги наградувате секогаш кога ќе направат нешто добро? – тогаш зошто би направиле нешто друго ако нема да добијат награда.
3. Дали се чувствувате дека само вие сте задолжени за среќата на вашето дете? – дали знаете дека и чувството на среќа треба да се научи и затоа секое дете треба САМО да научи што го прави среќно. Не КОЈ туку ШТО.
4. Дали секогаш се трудите да им пружите што повеќе? – Ја знаете онаа стара поговорка – кога некому ќе му дадете прст, ќе почне да бара цела рака. Децата чии родители систематски се обидуваат да им дадат сè, да им дадат максимум и да ги фалат за сè, на крајот ќе престанат да се задоволуваат со тоа што ќе им го дадете. Дали навистина верувате дека треба да им дадете сè? На 14 години ќе ви побара автомобил и верувајте ќе се налути ако не му го дадете.
5. Дали вашите деца имаат пополнет распоред? – Секој деннешто, секој час нешто, само да не им остане доволно време да ви висат околу вратот? Децата треба да имаат што е можно повеќе слободно време за слободни активности и слободни мисли – еден ден ќе научат како да направат нешто повеќе од досада.
6. Дали го фалите детето дека е многу паметно за се што ќе направи? – Во ред е да им се даде основа за да имаат доволно самодоверба, но, никој не сака вообразени луѓе затоа што во 99 проценти од случаите се премногу арогантни, а најчесто за тоа нема баш многу покритие.
7. Дали ги учите на религија? – Ова прашање е вечна тема не само за децата, туку и за големите луѓе и меѓучовечките односи, но дали знаете дека едноумието генерално води до непрепознавање други мислења, а со тоа му ја ускратувате шансата на детето да научи нешто повеќе, нешто друго.
8. Дали ги критикувате за грешките што ги прават? – Ова е една од оние работи кои модерните родители често ја прават за да му дадат до знаење на детето колку греши, па го критикуваат, го гледаат како да е возрасно, а токму во тој момент на детето не му треба критика, туку едукација. Кога го критикувате вашето дете, без разлика дали тоа е затоа што истурило сок или било нефокусирано на тренинг, детето во тој момент се чувствува тотално безвредно. Ако систематски ги критикувате, а притоа не ги научите (на нежен начин) како да ги поправат своите грешки, децата на крајот ќе стигнат до точка каде што ќе почнат да развиваат депресија, чувство на инфериорност, а во потешки случаи и суицидни мисли. Затоа, добро размислете дали вашето дете заслужува толку многу критики бидејќи вие мислите дека тоа дефинитивно треба да биде најдобро во се што прави.
9. Дали им се заканувате и користите фрази како „засрами се“? – заканите, казните и фразите понекогаш се пожелни, но само кога не успевате да го доведете детето во ред, кога е непослушно и намерно се однесува лошо, но да користите закани и да го омаловажувате детето во ситуации кога сакате да постигне високо поставени цели – е тогаш не му давате на детето ништо друго освен чувство на инфериорност и недостаток на љубов кон него во ситуации кога љубов му треба најмногу.
