Нема родител кој со своите постапки сака уште повеќе да го оддалечи своето дете од себе, но психолозите предупредуваат дека голем број родители го прават токму тоа. Како што објаснуваат, родителите исто така се само луѓе и можат да погрешат, а како резултат на тоа понекогаш прават работи што им го уништуваат односот со детето. Можеби ги прават затоа што нивните родители го правеле истото, можеби затоа што се чувствуваат лошо, можеби ги прават со најдобра намера, но всушност тие прават повеќе штета отколку корист.
Една од работите што многу родители ја прават и која всушност штети на нивниот однос со детето е да ги игнорираат неговите чувства и проблеми. Психолозите објаснуваат дека често на родителите може да им се чини дека проблемот што го мачи нивното дете е целосно безопасен и несериозен, но игнорирањето само ќе направи поголем проблем.
Имено, никој од нас не сака неговите чувства да се занемаруваат, колку и да изгледаат бесмислени. Детето така ќе добие впечаток дека не може да им верува на родителите, а сето тоа ќе резултира со полош однос.
Друга работа е споредување со други, без разлика дали стануза збор за брат, сестра или пријател. Родителите кои често биле споредувани со нивните врсници во детството имаат тенденција да ги пренесат истите модели на своите деца, а тоа може да биде многу деструктивно.
Психолозите предупредуваат дека родителите никогаш не треба да го споредуваат своето дете со друго дете. Ова само ќе направи да се чувствуваат лошо, но може дури и да ги „натера“ да покажат повеќе од однесувањето што нивните родители го критикуваат.
