Секој родител го расте и воспитува детето на различен начин и тоа е сосема во ред, но психолозите објаснуваат дека постојат одредени работи кои сепак треба да избегнуваме да ги правиме во близина на нашите деца. Како што пренесува британски The Sun, тие нагласуваат дека родителите често прават одредени работи кои му штетат на развојот на детето, како менталниот, така и физичкиот, а во повеќето случаи не се ни свесни за овие негативни последици.
Една од двете работи што, според психолозите, родителите никогаш не треба да ја прават пред своето дете е да зборуваат негативно за другиот родител или за другите членови на семејството. Иако многу родители понекогаш зборуваат лошо за другиот родител на своето дете во лутина или одмазда, последиците од ваквото однесување може да бидат катастрофални.
Имено, кога родителот ќе каже нешто негативно за другиот родител, детето се доживува себеси како такво. Како што објаснуваат психолозите, истото важи и за зборувањето негативни работи за останатите членови на семејството. Ова може да создаде внатрешна поделеност и да го збуни детето, додаваат тие.
Втора работа што огромното мнозинство родители ја прават, а не би смееле, се однесува на споредување на своето дете со други деца. Без разлика дали се работи за нивните браќа и сестри, пријатели или други врсници, таквото однесување може да доведе до тоа детето да се обезвредни себеси или другите. Психолозите нагласуваат дека ако му кажете на детето дека не е доволно добро, кај него тоа поттикнува депресија, а исто така може да доведе и до непочитување кон другите.
