Многу е важно да се поттикне развојот на самостојност кај децата за еден ден кога ќе пораснат да бидат подготвени за се што ги чека. Како што објаснуваат психолозите, понекогаш родителите несвесно ја уништуваат независноста на своите деца преку воспитните постапки, пренесува Times of India.
Еве за кои постапки станува збор.
Како прво, детето нема да биде самостојно ако неговите родители претерано го штитат од се. Ако се премногу заштитнички настроени, детето ќе трча кај родителите за секоја ситница. Наместо да се обидуваат сами да изнајдат решенија или да се справат со тешките околности, првото нешто што ќе го направат таквите деца е да дојдат кај својот родител во солзи за токму тој да ја исправи ситуацијата во која се наоѓаат.
Психолозите додаваат дека родителите треба да го поттикнат своето дете да научи да се справува со своите проблеми, особено со малите за кои интервенцијата на возрасните навистина не е неопходна. Исто така, немањето јасни граници е уште една грешка направена од голем број родители, што негативно влијае на развојот на самостојноста на децата.
Имено, кога родителите имаат слаби граници, децата би можеле да се борат да развијат чувство за себе и автономија. Ова може да доведе до зависни врски каде децата бараат постојана потврда и одобрување од нивните родители, што може да ги направи многу несигурни или несамостојни.
