Белградскиот радиолог Александар Ивковиќ предупредува дека делта сојот на коронавирусот ја зголемува стапката на смртност бидејќи е способен дополнително да се камуфлира, а на организмот и на имунолошкиот систем им е уште потешко да го препознаат.
Тој смета дека е крајно неодговорно што во време кога е јасно дека вирусот ја намалува старосната граница на болеста, кој било да повикува на крај на вакцинацијата на младите луѓе.
- Ивковиќ смета дека на граѓаните треба да им се каже голата научна вистина за се што е поврзано со болеста и епидемијата
„Имаме луѓе кои доаѓаат на преглед бидејќи членовите на нивните семејства се болни. Немаат температура, не кашлаат, немаат слуз, практично немаат никаква тегоба… Можеби малку се заморуваат. И, кога ќе го направиме прегледот, белите дробови речиси и да не постојат. За еден или два дена тие достигнуваат критична состојба и главно умираат.
Поинаку е од порано, и се објаснува со фактот дека овој сој на вирус, покрај стандардниот, дека вирусот го спречува лачењето на интерферон – нема известување за другите клетки, ја раскинува обвивката на клетката и се обвиткува, па организмот затоа го препознава многу потешко. Сега кај делта сојот има и „спајк“ – куката со која се врзува е многу пократка и организмот не успева да го препознае“, објаснува Ивковиќ. (Н1)
