Експертите често предупредуваат дека се повеќе деца имаат рамни стапала. Овој проблем може да има одредени последици, па затоа е важно да се препознаете навреме.
Рамните стапала се состојба која подразбира стапалата да го немаат лакот што треба да го имаат и дека кога детето ќе стапне на цврста подлога, стапалото стои целосно рамно, прилепено за подот. Во некои случаи, лакот постои кога детето ја крева ногата, но кога детето ја спушта и се потпира на неа, лакот исчезнува.
При раѓањето, сите бебиња имаат рамни стапала, а лакот се формира дури подоцна, до шест години. Меѓутоа, се проценува дека две од десет деца имаат рамни стапала и по таа возраст, пишува my.clevelandclinic.org.
Последици од рамни стапала
Рамните стапала може да имаат и некои последици:
- На подвижноста – поради рамни стапала, зглобовите се преоптоваруваат, што го отежнува одењето и трчањето.
- Кај рамни стапала, зглобовите се движат навнатре, што може да предизвика непријатност со текот на времето.
- Колена – рамните стапала можат да придонесат за појава на артритис во колената.
Симптоми на рамни стапала
Иако изгледа дека е лесно да се препознае дали детето има рамни стапала или не, тоа всушност не е толку едноставно, а и родителите не се стручни за тоа. Сепак, доколку ги забележите овие симптоми кај вашето дете, најдобро е да го однесете кај специјалист:
- Болка во петицата или лакот на стапалото
- Детето има потешкотии да стои на прсти
- Отекување на внатрешната страна на зглобот
- Изглед на рамно стапало на едната или двете стапала
- Ви се чини дека забележувате разлики во чевлите што детето ги носи на левата и десната нога – на пример, ѓонот на чевелот е потенок и пропаѓа од едната страна и слично.
- Детето има грчеви во нозете
- Болка при одење
- Предниот дел од стапалото или прстите се свртени на страна, нанадвор
Причини
Кај некои луѓе рамните стапала се генетски, кај други може да се развијат подоцна во животот. Некои проблеми и состојби го зголемуваат ризикот од рамни стапала: повреди на Ахиловата тетива, фрактури на стапалото, церебрална парализа, дијабетес, Даунов синдром, висок крвен притисок, обезност, бременост, ревматоиден артритис.
Како се третираат рамните стапала
Понекогаш рамните стапала може да предизвикаат голема непријатност, па затоа е неопходен третман. Во ретки случаи, потребна е хируршка интервенција за решавање на проблемите со рамните стапала, а понекогаш тие се третираат на следниот начин:
- Нестероидни антиинфламаторни лекови, одмор и ладни облоги за ублажување на воспалението и болката
- Физикална терапија за истегнување и зајакнување на тетивите и мускулите, а со тоа се подобрува флексибилноста и мобилноста
- Помагала што го поддржуваат стапалото, како што се ортози за стапалата или некои специјални чевли
