Досегашните податоци покажуваат дека омикрон предизвикува поблага клиничка слика кај пациентите, но се шири побрзо од претходните варијанти. Лекарите предупредуваат да обратите внимание на два симптоми кои може да укажуваат на тоа дека сте заразени со омикрон.
Гадење и повраќање би можеле да бидат рани симптоми на варијантата омикрон.
Уште од почетокот на пандемијата, Американскиот центар за контрола и превенција на болести (ЦДЦ) ги вклучи гадењето и повраќањето на листата на можни симптоми на Ковид-19. Но, лекарите сега предупредуваат дека токму овие два симптоми најпрво би можеле да се појават кај пациенти инфицирани со варијантата омикрон.
Во студијата се наведува дека гадење и повраќање се јавуваат и кај возрасните и кај децате и дека тоа може да се првичните симптоми на инфекцијата
„Кај делта варијантата симптомите на горниот респираторен тракт беа многу сериозни и се јавуваа во белите дробови. Пациентите имаа пневмонија, отежнато дишење и завршуваа на респиратор“, рече Бил Адмиер, главен медицински службеник во болницата во Алабама.
„Но, кај омикрон, пациентите во поголема мера имаат гастроинтестинални проблеми и имаат повеќе симптоми“, додава тој.
Истражувањето објавено во „Journal of Microbiology, Immunology, and Infection“ покажало дека стомачните проблеми се релативно чест ран симптом на вирусот.
Во студијата се наведува дека гадење и повраќање се јавуваат и кај возрасните и кај децате и дека тоа може да се првичните симптоми на инфекција, пренесува „Best Life“.
Понатаму, гастроинтестиналните симптоми може да бидат знак дека некое лице е заразено со омикрон и дека не се работи за обична настинка. Тим Спектор, професор по генетска епидемиологија на Кралскиот колеџ во Лондон, истакна дека овие два гастроинтестинални симптоми се почести кај луѓето кои се целосно вакцинирани или примиле бустер доза.
