Иако зборот „психопат“ звучи шокантно и се поврзува со возрасните, овие особини се јавуваат и кај децата. Покрај тоа, повеќето возрасни лица кои страдаат од психопатија имаат симптоми уште од детството. Сепак, психопатијата не мора нужно да значи неконтролирано и насилно однесување. Тоа едноставно може да биде личност со недостаток на емпатија или чувствителност.
Децата со психопатија не се чувствуваат виновни за она што го прават. Поради својата вродена агресија, не можат да сочувствуваат со другите луѓе, дури и кога станува збор за најблиските пријатели и семејството
Пет карактеристики на психопатијата кај децата
Како да препознаете дете со психопатски особини? Децата кои страдаат од некој тип на психопатија обично имаат еден или повеќе од овие проблеми во однесувањето:
- Егоцентрични се, не знаат да споделуваат, бараат многу и се нефлексибилни во односот со родителите и околината;
- Склони се кон непослушност, се трудат со сите сили да се извлечат од одговорноста;
- Едвај и ретко изразуваат емоции;
- Чувствуваат мала или никаква емпатија, тешко им е да ги толкуваат емоциите на другите и да се вклучат во емотивна врска;
- Бесчувствителни се, не чувствуваат вина или каење, ниту пак се извинуваат за своето лошо однесување, често се обидуваат да доминираат, било во форма на физичка или вербална агресија.
Од друга страна, кај адолесцентите пак, тенденцијата за бунт и кршење на правилата е можен показател за психопатија. Може да се јави и консумација на алкохол, тутун и дрога. Но, се разбира, тоа не значи дека сите адолесценти кои протестираат и консумираат вакви работи страдаат од психопатија.
Дијагноза на детска психопатија
Како што веќе споменавме, некои од овие однесувања може да се појават како карактеристики на личноста на детето. Сепак, психопатските карактеристики се карактеризираат со времетраењето на нивната манифестација. Најчесто се појавуваат околу 5-годишна возраст, кога детето почнува да го шири својот друштвен круг.
Кај детето кое нема психопатски особини, овие лоши однесувања и ставови исчезнуваат откако ќе ги научи нормите и вредностите кои го регулираат општествениот живот. Казната, според експертите, не е идеален начин да се постигне тоа.
Сепак, тоа не се случува кај деца со психопатија. Главната причина е што тие не се чувствуваат виновни за она што го прават. Поради својата вродена агресија, не можат да сочувствуваат со другите луѓе, дури и кога станува збор за најблиските пријатели и семејството.
