Во повеќето случаи, во исхраната на бебето, најпрви се воведуваат житариците, оти е богати со витамини и мутриенти кои му се потребни на бебето. По нив, на ред доаѓа зеленчукот.
Зеленчукот е извор на минерали и витамини кои се неопходни за правилен раст и развој на детето.
Зеленчукот најчесто се воведува во бебешката исхрана во петтиот или на почетокот од шестиот месец. Најважно е дигестивниот систем биде доволно зрел за воведување на немлечни намирници.
За бебето да се навикне на вкусовите, важно е зеленчукот да се воведува полека и постепено. На почетокот подготвувајте ги одделно, без мешање со некои други намирници. Не додавајте сол, едноставно сварете и направете пире, непосредно пред хранењето, за да оброкот биде свеж.
Кога бирате зеленчук, гледајте да биде свеж, квалитетен и сезонски.
КОЈ ЗЕЛЕНЧУК ПРВО СЕ ВОВЕДУВА ВО БЕБЕШКАТА ИСХРАНА?
Најдобро е да се почне со зеленчук со сладок вкус – млад компир, морков, карфиол, блитва.
Потоа, полека може да почнете со давање спанаќ, грашок. Боранија, брокула.
Во текот на првата година од детето, избегнувајте домати, оти може да дојде до појава на осип или дијареа кај детето.
ПЛАН НА ДНЕВНО МЕНИ ЗА БЕБЕ НА 5 МЕСЕЦИ
- Ран утрински оброк – подој или адаптирана формула
- Појадок – подој или адаптирана формула
- Ручек – подој или формула, пасиран зеленчук (компир или морков)
- Попладневен оброк – кашичка од житарки
- Вечера – подол или адаптирана формула
