Поранешниот главен научен советник на британската влада, Сер Дејвид Кинг издаде предупредување за трет бран откако во Англија се појавија стотици случаи на инфекција со коронавирус откако поединци биле вакцинирани двапати.
Новите случаи на инфекција се последица на индиската варијанта на вирусот, која е позаразна од останатите варијанти
Се чини дека е можно бројот на пациенти да се зголеми по попуштање на мерките и сè е многу неизвесно. Иако масовната вакцинација во моментов спречува повторување на голема „гужва“ во болниците, експертите се загрижени за тоа како понатаму ќе се одвива ситуацијата.
Околу 400 целосно вакцинирани лица низ Англија биле позитивни на коронавирус за само еден ден. Во изјава за Скај Њуз, Кинг вели дека треба да се биде претпазлив токму поради ваквите податоци, а смета дека тие предупредуваат и на појава на нов бран на вирусот.
„Сè додека постои вирусот во земјата, ситуацијата е опасна“, додаде тој, истакнувајќи дека смртта не е единствената работа да се избегнува затоа што има голем број на луѓе кои страдаат од пост-ковид синдром за кој малку се знае, освен дека многу им го отежнува животот на луѓето. Тој смета дека новите случаи на инфекција низ целата земја се последица на индиската варијанта на вирусот, која е позаразна од останатите варијанти.
Проучувајќи ги податоците, забележано е дека оние кои не водат претерано здрав живот и имаат превисок индекс на телесна маса, исто така, имаат поголема веројатност да се заразат по вакцинацијата
Едно истражување, спроведено во Лондон, ги проверувало податоците од апликацијата Symptom Study, на која се пријавиле повеќе од милион луѓе, кои по примени две дози на Фајзер или АстраЗенека ги напишале своите коментари и откриле дека од 2.398 лица, 187 од нив имале позитивни резултати на тест за вирусот, две недели по првата и втората доза на вакцината.
Проучувајќи ги податоците, забележано е дека оние кои не водат претерано здрав живот и имаат превисок индекс на телесна маса, исто така, имаат поголема веројатност да се заразат по вакцинацијата.
Постарите луѓе кои имаат здравствени проблеми исто така спаѓаат во ризичната група, особено оние кои живеат во домовите за стари лица.
