Веднаш по раѓањето, можете значајно да влијаете на развојот на мозокот на вашето бебе. Ова се неколку едноставни начини со помош на кои тоа ќе го постигнете, а истовремено и ќе се забавувате.
Стручњаците за равој на децата веруваат дека првата година од животот на детето е клучна за учење. Постојат многу нешта кои можете да ги правите со вашето бебе за да поттикнете негов развој,а ова се само некои од можностите.
- Создадете контакт со очите
Искористете ги ретките моменти кога на бебето му се отворени очите и гледајте право нив. Бебињата многу рано почнуваат да разликуваат и препознаваат лица, а вашето како родител, е најважно. Секој пат кога со полно внимание гледа во вас, вашето бебе гради меморија.
- Исплазете го јазикот
Истражувањата покажале дека бебињата стари само два дена може да имитираат фацијални движења – тоа е знак на секое рано решавање на проблем.
- Покажете му огледало на бебето
Пуштете го бебето да се огледа во огледало. Прво ќе помисли дека гледа друго бебе, но ќе му се допадне тоа што “некој друг“ ги мрда рачињата и се смее кога и тоа.
- Пејте
Научете песнички или смислите свои. Пушетет класична музика или музика која ве прави среќни. Некои истражувачи докажале дека учењето на музичкиот ритам е повразно со полесно учење и разбирање математика.
- Објаснувајте му на бебето
Дури и ако мислите дека нема потреба на бебето да му објаснувате било што, оти не ве разбира, сепак правете го тоа. Ако одите да вклучите светло, кажете. “Сега ќе вклучам светло“.
- Правете смешни гримаси
Надувајте ги образите и побарајте од бебето да ви го допре носот, а кога тоа ќе го направи, вие нагло испуштете го воздухот и издувајте ги образите. Скокоткајте го детето, нека се смее, оти насмевката е прв чекор кон развивањето на смислата за хумор.
