Говорот на бебето, односно учењето, е сложен процес кој започнува од раѓањето и трае со години. Многу пред вашето бебе да го изговори својот прв збор, тоа ги учи правилата на јазикот и како возрасните го користат за комуникација. Вашето бебе веројатно ќе може да зборува, користејќи неколку едноставни зборови за да го изрази значењето – околу својот прв роденден.
Доколку тоа не се случи, потребно е да се обратите кај стручни лица за помош. Исто така, кога станува збор за говорот на бебето, постојат и други знаци на кои треба да обрнете внимание.
Хронолошки преглед на ситуации во кои треба да побарате помош во врска со говорот:
- До 2 месеци старост: ако вашето бебе не реагира на гласни звуци.
- До 4 месеци старост: ако вашето бебе не испушта звуци и не гуга.
- Со 6 месеци: вашето бебе не се смее ниту цвили, не ги препознава самогласките а, е, о.
- До 9 месеци: не реагира на сопственото име и не брбори слогови како „ма-ма“, „та-та“.
- До една година: не изговара зборови како „мама“ или „тато“.
- До 18 месеци: не изговара барем пет зборови, ниту додава нови зборови во својот речник.
Што да направите ако бебето не зборува?
Ако детето покажува кој било од горенаведените знаци, разговарајте со педијатарот за можноста за застој во развојот или проблеми со слухот. Вашиот педијатар може да го упати вашето дете кај логопед за дополнителна процена. Логопед е стручњак кој се занимава со превенција, дијагностика, терапија и научно истражување на нарушувањата на говорот, гласот, говорниот и пишаниот јазик кај деца, возрасни и постари лица.
