Регресија на сонот – термин за кој веројатно не сте знаеле пред да станете мајка. Но, сега кога вашето бебе се буди на секои 20 минути, а вие сте исцрпени, станува збор за термин што веројатно ви е добро познат.
Што е регресија на сонот и кога се јавува?
Регресијата на спиењето опишува период кој трае една до шест недели кога бебе или дете во јасли кое дотогаш добро спиело, одеднаш почнува да се буди во текот на ноќта и/или прескокнува попладневни дремки без видлива причина.
Во зависност од возраста на детето, фазите може да се појават од повеќе причини – ненадеен скок во развојот, страв од одвојување, промена на ритамот или просторот каде што спијат. Но, во секој случај, најважно е да се запамети дека овие фази се сосема нормални!
Се разбира, секое бебе е различно, но ова се некои од најчестите периоди кога бебињата минуваат низ регресија на спиењето:
- Помеѓу 3. и 5. месец
- Помеѓу 8. и 10. месец
- Помеѓу 18. и 24. месец
Можеби највообичаена и најфрустрирачка фаза е регресија на сонот околу четвртиот месец од животот. Тоа е моментот кога бебето конечно почнува да спие подобро, а на родителите конечно им олеснало. Но, пред да трепнете, следува шок и неверување бидејќи бебето одеднаш повторно не спие добро. Што се случи?
Вашето три или четиримесечно бебе станува вистинска мала социјална пеперутка. Почнува лесно да спие и да се буди…се е премногу тивко и премногу мирно.
Како можат родителите да помогнат?
Кога станува збор за регресија на сонот, постојат неколку стратегии кои ќе му помогнат на вашето бебе да спие повеќе. Познатиот педијатар д-р Харви Карп го предлага следново:
- Безбедно повивање на бебето
- Користење на вистински звуци: бел шум и приспивни песни
- Предвидување (и намалување) на ноќниот глад со поттикнување на повеќе хранења во текот на денот
- Време поминато во воздух: Свежиот воздух и изложувањето на сонце му помагаат на детето да ја препознае разликата помеѓу денот и ноќта
Регресијата на сонот околу четвртиот месец од животот всушност нема свој „крај“ во класична смисла на зборот. Тоа е трајна промена во режимот на спиење на бебето. Некои бебиња ќе почнат да спијат подобро за две до три недели, додека други ќе имаат навики за спиење кои треба активно да се менуваат за да може детето подобро да спие.
